ମୋରୋକ୍କ (ଏଟିଆର ବ୍ୟୁରୋ): ମଝି ସମୁଦ୍ରରେ ବୁଡିଲା ଡଙ୍ଗା । ନୌକା ଯୋଗେ ଗୋଟିଏ ସ୍ଥାନରୁ ଆଉ ଗୋଟିଏ ସ୍ଥାନକୁ ଯାଉଥିବା ବେଳେ ୧୦୦ଜଣ ଶରଣାର୍ଥୀ ସମୁଦ୍ର ମଧ୍ୟରେ ବୁଡିଯାଇଛନ୍ତି । ସେଥିମଧ୍ୟରୁ ୭୦ଜଣଙ୍କୁ ଉଦ୍ଧାର କରାଯାଇଥିବା ବେଳେ ୭ଜଣଙ୍କ ମୃତଦେହ ଜବତ କରାଯାଇଛି । ସୂଚନାନୁଯାୟୀ , ପାଖାପାଖି ୧୦୦ଜଣ ଶରଣାର୍ଥୀଙ୍କୁ ନୌକା ଯୋଗେ ସ୍ପେନ ନିଆଯାଉଥିବା ବେଳେ ଡଙ୍ଗାଟି କୌଣସି କାରଣରୁ ବୁଡିି ପଡିଥିଲା । ଖବରପାଇ ସଙ୍ଗେସଙ୍ଗେ ମୋରୋକ୍କ ସେନା ଅଧିକାରୀମାନେ ପହଞ୍ଚିବା ସହ ଉଦ୍ଧାର କାର୍ଯ୍ୟରେ ଲାଗିପଡିଥିଲେ ।
ଉଦ୍ଧାର ସମୟରେ ୭୦ଜଣ ଶରଣାର୍ଥୀଙ୍କୁ ସୁରକ୍ଷିତ ବାହାରକୁ ବାହାର କରାଯାଇଥିବା ବେଳେ ୭ଜଣଙ୍କର ମୃତଦେହକୁ ଜବତ କରାଯାଇଛି । ଅନ୍ୟପଟେ ଏବେ ବି ୨୪ଜଣ ଶରଣାର୍ଥୀ ନିଖୋଜ ଥିବା ମୋରୋକ୍କର ଜଣେ ସୈନ୍ୟ ଅଧିକାରୀ କହିଛନ୍ତି । ତେବେ ଉଦ୍ଧାର ହୋଇଥିବା ଶରଣାର୍ଥୀ ଙ୍କ ମଧ୍ୟରୁ ୧୦ଜଣ ମହିଳା ଥିବା ବେଳେ ଜଣେ ପିଲା ଅଛନ୍ତି । ସେପଟେ ମୁତ୍ୟୃବରଣ କରିଥିବା ୭ଜଣଙ୍କ ମଧ୍ୟରୁ ୩ଜଣ ମହିଳା ରହିଥିବା ସୂଚନା ମିଳୁଛି ।
