କୋଲକାତା(ଏଟିଆର ବ୍ୟୁରୋ): ମର୍ମନ୍ତୁଦ ସଡକ ଦୁର୍ଘଟଣାରେ ପାଞ୍ଚଜରଙ୍କ ମୃତ୍ୟୁ ଘଟିଛି । ଏଭଳି ଏକ ଦୁର୍ଘଟଣା ଦେଖିବାକୁ ମିଳି ଛି ପଶ୍ଚିମବଙ୍ଗ କାଲିମ୍ପଙ୍ଗ ଜିଲ୍ଲାରେ । ସୂଚନା ଅନୁସାରେ ପଶ୍ଚିମବଙ୍ଗ କାଲିମ୍ପଙ୍ଗ ଜାତୀୟ ରାଜପଥ ୧୦ ନିକଟରେ ଥିବା ଲୋହପୁର ନିକଟରେ ଏଭଳି ଦୁର୍ଘଟଣା ଘଟିଛି । ଗୋଟିଏ ପରିବାରର ଆଠ ଜଣ ସଦସ୍ୟ ତୀର୍ଥ ଯାତ୍ରାରେ ଗସ୍ତ କରିଥିଲେ । ରାସ୍ତାରେ ଯାଉଥିବା ସମୟରେ ଲୋହପୁର ନିକଟରେ ଗାଡିଟି ଭାରସାମ୍ୟ ହରାଇ ୧୦୦ ଫୁଟ ତଳକୁ ଖସି ପଡିଥିଲା ।
ଫଳରେ ଘଟଣା ସ୍ଥଳରେ ୫ ଜଣଙ୍କର ମୃତ୍ୟୁ ଘଟିଥିଲା । ଏହା ସହ ୩ ଜଣ ଗୁରୁତର ଆହତ ହୋଇଥିଲେ । ତେବେ ଖବର ପାଇ ଘଟଣା ସ୍ଥଳରେ ପୋଲିସ ଓ ଅଗ୍ନିଶମ ବିଭାଗ ପହଞ୍ଚିଥିଲେ । ସ୍ଥାନୀୟ ଲୋକ ଓ ଅଗ୍ନିଶମ ବିଭାଗ ଦ୍ୱାରା ଗୁରୁତର ଆହତ ମାନଙ୍କୁ ଉଦ୍ଧାର କରାଯାଇ ନିକଟସ୍ଥ ହସ୍ପିଟାଲରେ ଭର୍ତ୍ତି କରାଯାଇଛି । ତେବେ ମୃତକ ମାନେ ଓଡିଶାର ଜଣା ପଡିଛି । କେଉଁ କାରଣରୁ ଦୁର୍ଘଟଣା ଘଟିଲା ତାହା ଜଣା ପଡିନି । ପୋଲିସ ଘଟଣା ସ୍ଥଳରେ ଛାନଭିନ ଆରମ୍ଭ କରିଛି ।
