ନୂଆଦିଲ୍ଲୀ (ଏଟିଆର ବ୍ୟୁରୋ): ଦକ୍ଷୀଣ ନେପାଳର ଧନୁଷ ଜିଲ୍ଲାରେ ଭୀଷଣ ବୋମା ବିସ୍ଫୋରଣ ହୋଇଛି । ଏହି ବିସ୍ଫୋରଣରେ ପାଖାପାଖି ୩ ଜଣଙ୍କର ମୃତ୍ୟୁ ହୋଇଥିବା ବେଳେ ଦୁଇ ଜଣ ଆହତ ହୋଇଛନ୍ତି ।
ମିଡିଆ ରିପୋର୍ଟ ମୁତାବକ, ଧନୁଷ ଜିଲ୍ଲାର ମହେନ୍ଦ୍ର ନଗର ପାଲିକା-୫ ଅଞ୍ଚଳରେ ଏହି ବିସ୍ଫୋରଣ ହୋଇଛି । ଏଥିରେ ମୃତ୍ୟୁ ବରଣ କରିଥିବା ବ୍ୟକ୍ତି ହେଉଛନ୍ତି ଶିନାଖତ ରାଜେଶ ଶାହ (୪୫), ତାଙ୍କ ପୁଅ ଆନନ୍ଦ ଶାହା (୨୫) ଏବଂ ପୋଲିସ ଇନ୍ସପେକ୍ଟର ଅମୀର କୁମାର ଦହଲ ।
ସେହିପରି ଆହତ ହୋଇଥିବା ବ୍ୟକ୍ତି ହେଉଛନ୍ତି ଅଞ୍ଜଳୀ ଶାହା (୧୯), ପ୍ରକାଶ ଶାହା (୧୫) । ଆହତଙ୍କୁ ଚିକିତ୍ସା କରିବା ଲାଗି ସ୍ଥାନୀୟ ହସ୍ପିଟାଲରେ ଭର୍ତ୍ତି କରାଯାଇଛି । ଅପରପକ୍ଷେ ଘଟଣାସ୍ଥଳରେ ପୋଲିସ ପହଁଚି ତଦନ୍ତ ଆରମ୍ଭ କରିଛି ।
