ବାଲେଶ୍ୱର (ଏଟିଆର ବ୍ୟୁରୋ): ଓଲଟି ପଡିଲା ଯାତ୍ରୀବାହି ବସ୍ । ଦୁର୍ଘଟଣାରେ ୨୦ ରୁ ଅଧିକ ଯାତ୍ରୀ ଆହତ ହୋଇଥିବା ବେଳେ ୩ ଜଣ ଯାତ୍ରୀଙ୍କ ଅବସ୍ଥା ଗୁରୁତର ହୋଇ ପଡିଛି । ଏଭଳି ଏକ ଅଭାବନୀୟ ଘଟଣା ବାଲେଶ୍ୱର ଜିଲ୍ଲା ସିମୁଳିଆ ଭଗିଆ ଛକ ନିକଟରେ ଘଟିଛି । ସମସ୍ତ ଆହତ ଯାତ୍ରୀଙ୍କୁ ସ୍ଥାନୀୟ ହସ୍ପିଟାଲରେ ଭର୍ତ୍ତି କରାଯାଇଥିବା ବେଳେ ଗୁରୁତରଙ୍କୁ କଟକ ମେଡିକାଲକୁ ସ୍ଥାନାନ୍ତରିତ କରାଯାଇଛି ।
ବସ୍ ଟି ଦ୍ରୁତ ବେଗରେ ଆସୁଥିବା ଯୋଗୁଁ ଭାରସାମ୍ୟ ହରାଇ ଭଗିଆ ଛକ ୧୬ ନଂ ଜାତୀୟ ରାଜପଥରେ ଓଲଟି ପଡିଥିଲା । ଖବର ପାଇ ପୋଲିସ ଘଟଣାସ୍ଥଳରେ ପହଁଚି
ସମସ୍ତ ଯାତ୍ରୀଙ୍କ ଉଦ୍ଧାର କରି ସ୍ଥାନୀୟ ହସ୍ପିଟାଲରେ ଭର୍ତ୍ତି କରିଥିଲେ । ଅଳଙ୍କାର ନାମକ ଘରୋଇ ବସ୍ ରେ ୫୦ ଜଣ ଯାତ୍ରୀ ଥିବା ଜାଣିବାକୁ ମିଳିଛି ।
