ବ୍ରହ୍ମପୁର (ଏଟିଆର ବ୍ୟୁରୋ): ବ୍ରିଜ୍ ତଳକୁ ଖସିଲା ଯାତ୍ରୀବାହି ବସ୍ । ଦୁର୍ଘଟଣାରେ ୭ ଜଣ ଯାତ୍ରୀଙ୍କର ମୃତ୍ୟୁ ହୋଇଥିବା ବେଳେ ୪୦ ରୁ ଅଧିକ ଯାତ୍ରୀ ଆହତ ହୋଇଛନ୍ତି । ଏଭଳି ଏକ ଅଭାବନୀୟ ଘଟଣା ଗଞ୍ଜାମ ଜିଲ୍ଲା ପାଟପୁର ଥାନା ଅନ୍ତର୍ଗତ ତପ୍ତପାଣି ଘାଟିରେ ଘଟିଛି । ଅଗ୍ନିଶମ ବିଭାଗ ଟିମ୍ ଦ୍ୱାରା ଆହତମାନଙ୍କୁ ଉଦ୍ଧାର କରାଯାଇ ଚିକିତ୍ସା କରିବା ଲାଗି ଦିଗପହଣ୍ଡି ଏବଂ ବ୍ରହ୍ମପୁର ହସ୍ପିଟାଲରେ ଭର୍ତ୍ତି କରାଯାଇଛି ।
ସୂଚନା ମୂତାବକ, ଭୋର ୩ଟା ୩୦ ରେ ଏହି ଦୁର୍ଘଟଣା ଘଟିଛି । ଯାତ୍ରୀବାହି ବସ୍ ଟି ରାୟଗଡା ଟିକିରିରୁ ବ୍ରହ୍ମପୁର ଆସୁଥିବା ସମୟରେ ନିୟନ୍ତ୍ରଣ ହରାଇ ବ୍ରିଜ୍ ତଳକୁ ଖସିପଡିଥିଲା । ଏହି ଦୁର୍ଘଟଣା ବ୍ରେକ୍ ଫେଲ୍ ହୋଇଥିବା ଯୋଗୁଁ ଘଟିଥିବା କୁହାଯାଉଛି । ବସ୍ ରେ ୫୦ ରୁ ଅଧିକ ଯାତ୍ରୀ ଥିବା କୁହାଯାଉଛି । ଦୁର୍ଘଟଣା ଘଟିବା ପରେ ବ୍ରିଜ୍ ତଳେ ପାଣି ଏବଂ ଘନ ଜଙ୍ଗଳ ଥିବା ହେତୁ ଉଦ୍ଧାର କାର୍ଯ୍ୟ କରିବା ପାଇଁ ଅଗ୍ନିଶମ ବିଭାଗ ଟିମ୍ କୁ ବାଧା ଉପୁଜିଥିଲା ।
