ସାକ୍ଷିଗୋପାଳ (ଏଟିଆର ବ୍ୟୁରୋ): ଆଜି ପୁରୀରୁ ଭୁବନେଶ୍ୱର ଅଭିମୁଖେ ଯାଉଥିବା ବସ ନିଜର ଭାରସାମ୍ୟ ହରାଇ ସାକ୍ଷୀଗୋପାଳ ନିକଟରେ ଓଲଟି ପଡିଥିଲା । ମିଳିଥିବା ସୂଚନା ମୁତାବକ, ଶ୍ରୀ ଦୁର୍ଗା ନାମକ ଏକ ଘରୋଇ ବସ ପୁରୀରୁ ଭୁବନେଶ୍ୱର ଅଭିମୁଖେ ଯାଉଥିବା ବେଳେ ସାକ୍ଷୀଗୋପାଳ ନିକଟ ବୀରଗୋବିନ୍ଦପୁର ଠାରେ ଏକ ବାଇକ ଆରୋହିକୁ ବଞ୍ଚାଇବାକୁ ଯାଇ ବସଟି ନିଜର ଭାରସାମ୍ୟ ହରାଇବା ସହ ଓଲଟି ପଡିଥିଲା ।
ଯାହା ଫଳରେ ୮ଜଣ ଯାତ୍ରୀ ଗୁରୁତର ହୋଇଛନ୍ତି । ସେମାନଙ୍କୁ ପ୍ରଥମେ ନିକଟସ୍ଥ ମେଡିକାଲରେ ଭର୍ତ୍ତି କରାଯାଇଥିଲା । ପରେ ସେମାନଙ୍କୁ ପୁରୀ ଜିଲ୍ଲା ସଦର ମୁଖ୍ୟ ମହକୁମା ଚିକିତ୍ସାଳୟକୁ ପଠାଇ ଦିଆଯାଇଥିଲା । ସେଠାରେ ବାଇକ ଆରୋହିର ମୃତ୍ୟୁ ହୋଇଥିବା ଖବର ମିଳିଛି । ବାଇକ ଆରେହିର ପରିଚୟ ମିଳିପାରିନାହିଁ । ଅନ୍ୟ ଆହତ ଯାତ୍ରୀଙ୍କୁ ପ୍ରାଥମିକ ଚିକିତ୍ସା ପରେ ଛାଡି ଦିଆଯାଇଛି ।
