ନରସିଂହପୁର (ଏଟିଆର ବ୍ୟୁରୋ): କଟକ ଜିଲ୍ଲା ନରସିଂହପୁର ଥାନା କେନ୍ଦୁପଲିଠାରେ ଏକ ସଡକ ଦୁର୍ଘଟଣା ଘଟିଛି । ଦ୍ରୁତ ବେଗରେ ଗାଡି ଚଳାଇବା ହେଲା କାଳ । ଏକ କାର୍ ଟି ଦ୍ରୁତ ବେଗରେ ଆସି ଗଛରେ ପିଟି ହୋଇଯାଇଛି । ଏହି ଦୁର୍ଘଟଣାରେ ୪ ଜଣ ବ୍ୟକ୍ତି ଗୁରୁତର ଭାବେ ଆହତ ହୋଇଛନ୍ତି । ସେମାନଙ୍କୁ ଚିକିତ୍ସା କରିବା ଲାଗି ହସ୍ପିଟାଲରେ ଭର୍ତ୍ତି କରାଯାଇଛି ।
ଆଜି ସକାଳୁ ସକାଳୁ ଏହି ଦୁର୍ଘଟଣା ଘଟିଛି । ବଡଭୁଇଁର କିଛି ଲୋକ ଏକ କାର୍ ଯୋଗେ କଟକ ବଡ ମେଡିକାଲ ଯାଉଥିବା ସମୟରେ ରାସ୍ତାରେ କାର୍ ଟିର ସ୍ପିଡ୍ ଅଧିକ ମାତ୍ରାରେ ଥିବାରୁ କାରଟି ଭାରସାମ୍ୟ ହରାଇ ଏକ ଗଛରେ ପିଟି ହୋଇଯାଇଥିଲା । ଫଳରେ କାର୍ ଟି ସମ୍ପୂର୍ଣ୍ଣ ଚୂର୍ ମାର୍ ହୋଇ ଯାଇଥିବା ବେଳେ ଏଥିରେ ଥିବା ବ୍ୟକ୍ତି ଗୁରୁତର ଭାବେ ଆହତ ହୋଇଛନ୍ତି । ଆହତ ବ୍ୟକ୍ତିମାନେ ହେଲେ ସୁରେଶ ସାହୁ, ଆଦିକନ୍ଦ ସାହୁ ଶ୍ରିନିବାସ ସାହୁ ଏବଂ ସରସ୍ୱତୀ ସାହୁ ।
ଦୁର୍ଘଟଣାଟି ଭୋର ସମୟରେ ହୋଇଥିବାରୁ ସ୍ଥାନୀୟ ଲୋକେ ଏହାକୁ ଦେଖି ଅଗ୍ନିଶମ ବିଭାଗ ଏବଂ ପୋଲିକୁ ଖବର ଦେଇଥିଲେ । ଖବର ପାଇଁ ଅଗ୍ନିଶମ ବିଭାଗର କର୍ମଚାରୀ ଏବଂ ପୋଲିସ ଘଟଣା ସ୍ଥଳରେ ପହଁଚି ଆହତଙ୍କୁ ଉଦ୍ଧାର କରି ପ୍ରଥମେ ନରସିଂହପୁର ଡାକ୍ତରଖାନା ଭର୍ତ୍ତି କରାଇଥିଲେ । ମାତ୍ର ସେମାନଙ୍କର ସ୍ୱାସ୍ଥ୍ୟ ଅଧିକ ବିଗିଡି ଯିବାରୁ ତାଙ୍କୁ କଟକ ବଡ ମେଡିକାଲକୁ ସ୍ଥାନାନ୍ତରିତ କରି ଦିଆଯାଇଛି ।
