ନୂଆଦିଲ୍ଲୀ (ଏଟିଆର ବ୍ୟୁରୋ): ମର୍ମନ୍ତୁଦ ସଡକ ଦୁର୍ଘଟଣା । କାର୍ କୁ ପିଟିଲା କାର୍ । ଚାଲିଗଲା ୧୩ ଜୀବନ । ଏହାସହିତ ଏହି ଦୁର୍ଘଟଣାରେ ୫ ଜଣ ଗୁରୁତର ଭାବେ ଆହତ ହୋଇଛନ୍ତି । ଏଭଳି ଏକ ଘଟଣା କର୍ଣ୍ଣାଟକର ତୁମକୁର କୁନିଗଲ ନିକଟରେ ଘଟିଛି ।
ପୋଲିସ ମୁତାବକ, ଏହି ଦୁର୍ଘଟଣାରେ ୧୩ ଜଣଙ୍କ ମଧ୍ୟରୁ ଘଟଣାସ୍ଥଳରେ ୧୨ ଜଣଙ୍କର ମୃତ୍ୟୁ ହୋଇଯାଇଥିଲା । ଆହତ ମାନଙ୍କୁ ଚିକିତ୍ସା କରିବା ଲାଗି ହସ୍ପିଟାଲରେ ଭର୍ତ୍ତି କରାଯାଇଛି । ମୃତକଙ୍କ ମଧ୍ୟରୁ ୧୦ ଜଣ ତାମିଲନାଡୁର ହୋଇଥିବା ବେଳେ ୩ ଜଣ ବେଙ୍ଗାଲୁରୁର । ଏ ସମସ୍ତ ଯାତ୍ରୀ କର୍ଣ୍ଣାଟକର ଧର୍ମସ୍ଥଳ ଦର୍ଶନ ପାଇଁ ଯାଉଥିଲେ । ସେହିସମୟରେ ଅଚାନକ୍ ଗୋଟେ କାର୍ ଡିଭାଇଡର ସହ ପିଟି ହୋଇଥିଲା, ତାପରେ ଆଉ ଏକ କାର୍ ଆସି ସେହି କାର୍ କୁ ଧକ୍କା ଦେଇଥିଲା । ଯେଉଁଥି ପାଇଁ ଏଭଳି ଏକ ବଡ ଦୁର୍ଘଟଣା ଘଟିଗଲା ।
