ଭୁବନେଶ୍ୱର (ଏଟିଆର ବ୍ୟୁରୋ): ଭୟାବହ ଅଗ୍ନିକାଣ୍ଡ । ଜଳି ପୋଡି ଛାରଖାର୍ ହୋଇଗଲା ୧୪ ବଖରା ଘର । ଏଭଳି ଏକ ଅଗ୍ନିକାଣ୍ଡ ଭଦ୍ରକ ଜିଲ୍ଲା ବାସୁଦେବପୁର ବଳିବିନ୍ଧା ଗାଁରେ ଘଟିଛି ।
ଗତକାଲି ବିଳମ୍ବିତ ରାତିରେ ବଳିବିନ୍ଧା ଗାଁର ପୂର୍ଣ୍ଣଚନ୍ଦ୍ର ବେହେରାଙ୍କ ଘରେ ନିଆଁ ଲାଗି ଯାଇଥିଲା । ରାତିରେ ପୂର୍ଣ୍ଣଚନ୍ଦ୍ର ଶୌଚ ହେବା ପାଇଁ ଉଠିଥିବା ବେଳେ ଘରେ ନିଆଁ ଲାଗିଯାଇଥିବାର ଜାଣିବାକୁ ପାଇଥିଲେ । ଏହାପରେ ସେ ସମସ୍ତଙ୍କୁ ଡାକିବା ସହ ନିଆଁ ଲିଭାଇବା ପାଇଁ ଚେଷ୍ଟା କରିଥିଲେ । ହେଲେ ସେମାନେ ନିଆଁକୁ ଆୟତ କରିପାରିନଥିଲେ । ପୁଣି ଘଟଣାସ୍ଥଳରେ ଅଗ୍ନଶମ ବିଭାଗ କର୍ମୀ ପହଁଚି ନିଆଁକୁ ଆୟତ୍ତ କରିଥିଲେ । ମାତ୍ର ନିଆଁ କେମିତି ଲାଗିଲା ସେନେଇ କୌଣସି କାରଣ ଜଣାପଡି ନାହିଁ । ଏହି ଅଗ୍ନିକାଣ୍ଡରେ ୧୪ ବଖରା ଘର ଜଳି ପୋଡି ପାଉଁଶ ହୋଇଯାଇଛି ।
