କଟକ (ଏଟିଆର ବ୍ୟୁରୋ): କରୋନା ପାଇଁ ଏବେ ଚାରିଆଡେ ତାଲା ବନ୍ଦ । ସେହି ଅନୁଯାୟୀ କଟକ ଜିଲ୍ଲାର ବି ସମସ୍ତ ଦୋକାନ ବଜାର ବନ୍ଦ ରହିଛି । ମାତ୍ର ଇତିମଧ୍ୟରେ କଟକ ନରସିଂହପୁର ବ୍ଲାକ ଛକରେ ଥିବା ଏକ ପାନ ଦୋକାନରେ ଅଚାନକ୍ ଅଗ୍ନିକାଣ୍ଡ ଘଟିଛି । ଏହି ଭୟାବହ ଅଗ୍ନିକାଣ୍ଡରେ ଦୋକାନରେ ଥିବା ସମସ୍ତ ଜିନିଷ ଜଳି ପୋଡି ପାଉଁଶ ହୋଇଯାଇଛି ।
ଗତକାଲି ବିଳମ୍ବିତ ରାତିରେ ଏହି ଅଗ୍ନିକାଣ୍ଡ ଘଟିଛି । ଦୋକାନରେ ନିଆଁ ଲାଗିଯାଇଥିବାର ଦେଖି ସ୍ଥାନୀୟ ଲୋକ ଅଗ୍ନିଶମ ବିଭାଗକୁ ଖବର ଦେଇଥିଲେ । ଏହାପରେ ଅଗ୍ନିଶମ ବିଭା କର୍ମୀ ଘଟଣାସ୍ଥଳରେ ପହଁଚି ନିଆଁକୁ ଆୟତ କରିଥିଲେ ।
ତେବେ ଦୋକାନରେ ଅଚାନକ୍ ନିଆଁ କିଭଳି ଲାଗିଲା ତାହା ସ୍ପଷ୍ଟ ହୋଇନଥିଲେ ମଧ୍ୟ ବିଦ୍ୟୁତ୍ ସର୍ଟ ସର୍କିଟ ଯୋଗୁଁ ନିଆଁ ଲାଗିଥିବା ଅନୁମାନ କରାଯାଉଛି ।
