ନୂଆଦିଲ୍ଲୀ (ଏଟିଆର ବ୍ୟୁରୋ): ହୁତୁ ହୁତୁ ହୋଇ ଜଳୁଛି ଦିଲ୍ଲୀସ୍ଥିତ ପଣ୍ଡିତ ଦୀନଦୟାଲ ଭବନର ୫ମହଲା କୋଠା । ଆଜି ସକାଳୁ ସକାଳୁ ଏହି ଭୟାବହ ଅଗ୍ନିକାଣ୍ଡ ଘଟିଛି । ଖବର ପାଇ ଅଗ୍ନିଶମ ବିଭାଗ ଟିମ୍ ଘଟଣାସ୍ଥଳରେ ପହଁଚି ନିଆଁକୁ ଆୟତ କରିଛନ୍ତି ।
ରିପୋର୍ଟ ମୁତାବକ, ଆଜି ସକାଳ ପ୍ରାୟ ୮.୩୦ ସମୟରେ ଦିଲ୍ଲୀର ସିଜିଓ କମ୍ଲେକ୍ସ ସ୍ଥିିତ ପଣ୍ଡିତ ଦିନଦୟାଲ ଅନ୍ତୋଦୟ ଭବନର ପାଞ୍ଚମହଲାରେ ନିଆଁ ଲାଗି ଯାଇଥିଲା । ନିଆଁ ଲାଗିବା ପରେ ଧୀରେ ଧୀରେ ଚାରି ଆଡକୁ ବ୍ୟାପି ଯାଇଥିଲା । ନିଆଁର କରାଲ ରୂପ ଦେଖି ଲୋକେ ଛାନିଆ ହୋଇଯାଇଥିଲେ । ଫଳରେ ତୁରନ୍ତ ଅଗ୍ନିଶମ ବିଭାଗକୁ ଖବର ଦେଇଥିଲେ । ଘଟଣାରେ ୨୪ ଟି ଦମକଳ ଗାଡି ପହଁଚି ନିଆଁ ଲିଭାଇଥିଲେ । ହୁଏତ ଏପର୍ଯ୍ୟନ୍ତ ବି ଅନେକ ସ୍ଥାନରେ ନିଆଁ କୁହୁଳୁଛି । ଏହାସହିତ ବିଲ୍ଡିଂରୁ ଉଦ୍ଧାର କାର୍ଯ୍ୟ ମଧ୍ୟ ଜାରି ରହିଛି ।
ଅଚାନକ୍ ନିଆ ଲାଗିବାର କାରଣ ଜଣାପଡିନଥିଲେ ମଧ୍ୟ ଏହା ସର୍ଟସର୍କିଟ ଯୋଗୁଁ ହୋଇଛି ବୋଲି ଆଶଙ୍କା କରାଯାଉଛି । ଏହି ଭବନରେ ଅନେକ କେନ୍ଦ୍ରୀୟ ମନ୍ତ୍ରାଳୟର କାର୍ଯ୍ୟାଳୟ ମଧ୍ୟ ରହିଛି । ଏହି ଅଗ୍ନିକାଣ୍ଡରେ ଜଣେ ସିଓଆଇଏସଏଫ୍ ଯବାନ ଆହତ ହୋଇଛନ୍ତି । ନିଆଁ ପ୍ରଥମେ ସାମାଜିକ ନ୍ୟାୟ ଏବଂ ଅଧିକାରିତା ମନ୍ତ୍ରାଳୟ ଅଫିସରେ ଲାଗିଥିଲା ।
