ରାଉଲକେଲା (ଏଟିଆର ବ୍ୟୁରୋ): ଭୟାବହ ଅଗ୍ନିକାଣ୍ଡ, ଜଳିଗଲା ୨୦ ରୁ ଅଧିକ ଦୋକାନ ଘର । ଏଭଳି ଏକ ଅଭାବନୀୟ ଘଟଣା ରାଉଲକେଲା ଚ୍ୟାମ୍ବର ଅଫ୍ କମର୍ସ ନିକଟରେ ଘଟିଛି । ଏହି ଅଗ୍ନିକାଣ୍ଡରେ ଲକ୍ଷାଧିକ ଟଙ୍କାର ଜିନିଷ ପତ୍ର ପୋଡି ଜଳି ପାଉଁଶ ହୋଇ ଯାଇଛି ।
ଲକ୍ ଡାଉନ୍ ଅବସରରେ ସମସ୍ତ ଦୋକାନ ବଜାର ବନ୍ଦ ରହିଥିବା ବେଳେ ଦାଉ ସାଜିଛି ଏହି ଅଗ୍ନିକାଣ୍ଡ । ଗତକାଲି ବିଳମ୍ବିତ ରାତିରେ ଏହି ଅଗ୍ନିକାଣ୍ଡ ଘଟିଛି । ୧୧ କେଭି ତାର ଛିଡି ଦୋକାନ ଉପରେ ପଡିବା ପରେ ଏହି ଅଗ୍ନିକାଣ୍ଡ ଘଟିଛି ବୋଲି ଅନୁମାନ କରାଯାଇଛି । ସେପଟେ ଦୋକାନ ଗୁଡିକରେ ନିଆଁ ଲାଗିଯାଇଥିବାର ଦେଖି ସ୍ଥାନୀୟ ଲୋକେ ଦମକଳ ବାହିନୀକୁ ଫୋନ କରିଥିଲେ । ଏହାପରେ ଘଟଣାସ୍ଥଳରେ ଦମକଳ ବାହିନୀ ଟିମ୍ ପହଁଚି ନିଆଁକୁ ଆୟତ କରିଥିଲେ ।
