କେନ୍ଦୁଝର (ଏଟିଆର ବ୍ୟୁରୋ); ଚଳନ୍ତା ଟ୍ରକରେ ନିଆଁ । ଅଳ୍ପକେ ବର୍ତ୍ତିଲେ ଡ୍ରାଇଭର । ଲୁହା ବୋଝୋଇ ଟ୍ରକରେ ନିଆ ଲାଗି ଟ୍ରକଟି ସମ୍ପୂର୍ଣ୍ଣ ଜଳିଗଲା । ତେବେ ଏଭଳି ଭୟାବଡ ଅଗ୍ନିକାଣ୍ଡ ଘଟିଛି କେନ୍ଦୁଝର ଜିଲ୍ଲା ରାମଚନ୍ଦ୍ରପୁର ଥାନା ଅନ୍ତର୍ଗତ ପାଲଡାହୀ ଗାଁ ନିକଟରେ । ଲୁହାପଥର ବୋଝେଇ ଯାଉଥିବା ଟ୍ରକରେ ହଠାତ ନିଆଁ ଲାଗି ଗାଡିଟି ଜଳିଯାଇଛି । ଖବର ପାଇ ସ୍ଥାନୀୟ ଦମକଳ ବାହିନୀ ଘଟଣାସ୍ଥଳରେ ପହଁଞ୍ଚି ନିଆଁକୁ ଆୟତ କରିଥିଲା । କିନ୍ତୁ ସେତିକି ବେଳକୁ ଟ୍ରକଟି ସମ୍ପୂର୍ଣ୍ଣ ଭାବରେ ଜଳି ଯାଇଥିଲା । ବ୍ୟାଟେରୀରେ ସର୍ଟ ସର୍କିଟି ପାଇଁ ଏଭଳି ଅଘଟଣ ଘଟିଥିବା ଜଣା ପଡିଛି ।
ମିଳିଥିବା ସୂଚନା ମୁତାବକ ଗତକାଲି ବିଳମ୍ବିତ ରାତିରେ ଟ୍ରକଟି ଯାଉଥିବା ବେଳେ ହଠାତ ଗାଡିରେ ନିଆଁ ଲାଗି ଯାଇଥିଲା । ଯାହାକୁ ଦେଖିବା ପରେ ଭୟଭୀତ ହୋଇ ଯାଇଥିଲେ ଡ୍ରାଇଭର । ନିଆଁକୁ ବ୍ୟାପିବା ଫଳରେ ଜୀବନ ବଞ୍ଚାଇ ଗାଡିରୁ ଡେଇଁ ପଡିଥିଲେ ଡ୍ରାଇଭର । ପରେ ଦମକଳ ବାହିନୀକୁ ଫୋନ କରି ଖବର ଦେଇଥିଲେ । ଏବଂ ଦମକଳ ବାହିନୀ ପହଁଞ୍ଚିବା ପରେ ନିଆଁକୁ ଆୟତ କରିଥିଲା । ନିଆଁ ଲାଗିବା ପରେ ସ୍ଥାନୀୟ ଅଞ୍ଚଳରେ ଲୋକ ଜମା ହୋଇଯାଇଥିଲେ । ପ୍ରଥମେ ସାଧାରଣ ଲୋକମାନେ ନିଆଁକୁ ଆୟତ କରିବା ପାଇଁ ମଧ୍ୟ ଚେଷ୍ଠା କରିଥିଲେ । ତେବେ ପୋଡି ହୋଇଥିବା ଟ୍ରକଟି ମୋହନ କୁମାର ସାହୁଙ୍କ ନାମରେ ରେଜିଷ୍ଟ୍ରେସନ ହୋଇଥିବା ଜଣା ପଡିଛି । ମୋହନଙ୍କ ଘର ଘସିପୁରା ଥାନା ବେଲ ବାହାଳି ଗାଁରେ ।
ପୂର୍ବରୁ ବହୁତ ଚଳନ୍ତା ଗାଡିରେ ମଧ୍ୟ ନିଆଁ ଲାଗିଥିବା ଦେଖିବାକୁ ମିଳିଛି । ରାଜଧାନୀ ଭୁବନେଶ୍ୱରରେ ମଧ୍ୟ ଏକ ଚଳନ୍ତା ବସରେ ନିଆଁ ଲାଗିଯାଥିଲା । କିନ୍ତୁ ସୌଭାଗ୍ୟ ବଶତଃ କୌଣସି ଯାତ୍ରୀଙ୍କର କିଛିବି କ୍ଷତି ହୋଇନଥିଲା ।
