ନୂଆଦିଲ୍ଲୀ (ଏଟିଆର ବ୍ୟୁରୋ): ତେଲେଙ୍ଗାନା ଏକ୍ସପ୍ରେସରେ ନିଆଁ । ଆଜି ସକାଳ ୭.୪୦ ମିନିଟ୍ ରେ ଫରିଦାବାଦର ବଲ୍ଲଭଗଢ ପ୍ୟାଲା ଷ୍ଟେସନ ନିକଟରେ ହଠାତ୍ ତେଲେଙ୍ଗାନା ଏକ୍ସପ୍ରେସରେ ନିଆଁ ଲାଗି ଯାଇଛି । ଯାହାକୁ ନେଇ ଲୋକେ ଭୟରେ ଆତଙ୍କିତ ହୋଇ ପଡିଛନ୍ତି । । ଘଟଣାରେ ଦମକଳ ବାହିନୀ ପହଁଚି ନିଆଁକୁ ଆୟତ କରିଛି । ଏଥିରେ କାହାରି କ୍ଷତି ହୋଇ ନାହିଁ ସମସ୍ତ ଯାତ୍ରୀ ସୁରକ୍ଷିତ ଅଛନ୍ତି ।
ଖବରମୁତାବକ, ଏକ୍ସପ୍ରେସର ବ୍ରେକ୍ ବାଇଡିଂରେ ଅଚାନକ୍ ନିଆଁ ଲାଗି ପ୍ରବଳ ଜୋରେ ଧୂଆଁ ଉଠିବା ଯୋଗୁଁ ଏକ୍ସପ୍ରେସକୁ ପ୍ୟାଲା ଷ୍ଟେସନରେ ରୋକିବାକୁ ପଡିଥିଲା । ନିଆଁ ଦୁଇଟି କୋଚ୍ କୁ ବ୍ୟାପି ଯାଇଥିଲା । ଫଳରେ ସମସ୍ତ ଯାତ୍ରୀଙ୍କୁ ଷ୍ଟେସନରେ ସୁରକ୍ଷିତ ଭାବେ ଓହ୍ଲାଇ ଦିଆଯାଇଥିଲା । ଖବର ପାଇ ଦମକଳ ବାହିନୀ ଘଟଣାସ୍ଥଳରେ ପହଁଚି ନିଆଁକୁ କାବୁ କରିଥିଲେ । ଏକ୍ସପ୍ରେସରୁ ସମ୍ପୂର୍ଣ୍ଣ ଭାବେ ନିଆଁ ଲିଭିବା ପରେ ଏବେ ଇଞ୍ଜିନ୍ ସମେତ ଅନ୍ୟ ଦୁଇ କୋଚ କୁ ସଫା କରାଯାଇଛି ।\n\n
