ପାଟକୁରା (ଏଟିଆର ବ୍ୟୁରୋ); ନିର୍ବାଚନକୁ ନେଇ ପାଟକୁରା ଚର୍ଚ୍ଚାରେ ରହିଥିବା ବେଳେ ଏବେ ସ୍ଥାନୀୟ ମେଡିକାଲ ରୋଡରେ ଥିବା ନନ୍ଦି ହୋଟେଲରେ ଘଟିଛି ଅଗ୍ନିକାଣ୍ଡ । ତେବେ ଭଗବାନଙ୍କ ଦୟାରୁ ଏଠାରେ କେହି ମୃତାହତ ହୋଇନାହାଁନ୍ତି । କିନ୍ତୁ ହୋଟେଲର ଲକ୍ଷାଧିକ ଟଙ୍କାର ବହୁ ମୂଲ୍ୟବାନ ସାମଗ୍ରୀ ପୋଡି ପାଉଁଶ ହୋଇଯାଇଛି । ସ୍ଥାନୀୟ ଅଗ୍ନିଶମ ବିାଭଗ ଘଟଣାସ୍ଥଳରେ ପହଁଞ୍ଚି ନିଆଁକୁ ଆୟତ କରିଛି । ତେବେ ନିଆଁ ଲାଗିବାର କାରଣ ଅସ୍ପଷ୍ଟ । କିନ୍ତୁ ଏହା ବିଦ୍ୟୁତ ସଟ ସର୍କିଟି ପାଇଁ ହୋଇଥିବା ଅନୁମାନ କରାଯାଉଛି ।
ସୂଚନା ଅନୁଯାୟୀ ମଙ୍ଗଳବାର ଦିନ ସାଢ଼େ ଦଶଟା ବେଳେ ହଠାତ ନିଆଁ ଲାଗିଥିବା ଦେଖିଥିଲେ ହୋଟେଲ କର୍ମଚାରୀ । ନିଆଁ ଦେଖିବା ପରେ ସେମାନେ ପ୍ରଥମେ ଡରିଯାଇଥିଲେ । ଏହାପରେ ସେମାନେ ନିଆଁକୁ ଆୟତ କରିବା ପାଇଁ ଚେଷ୍ଟା କରିଥିଲେ । ପାଖ ଦୋକାନୀ ମଧ୍ୟ ନିଆଁକୁ ଆୟତ କରିବା ପାଇଁ ସହଯୋଗ କରିଥିଲେ । ପରେ ଦମକଳ ବାହିନୀକୁ ଖବର ପାଇ ଘଟଣାସ୍ଥଳରେ ପହଁଞ୍ଚି ନିଆଁକୁ ଆୟତ କରିଥିଲା । ନିଆଁ ଆୟତ ହୋଇଥିଲେ ସୁଦ୍ଧା ସବୁକିଛି ପୋଡି ପାଉଁଶ ହୋଇଯାଇଥିଲା । ଏତେସବୁ ସାମଗ୍ରୀ ପୋଡିଟିବା ପରେ ଚିନ୍ତାରେ ରହିଛନ୍ତି ହୋଟେଲ ମାଲିକ ।
