ରାଜକନିକା(ଏଟିଆର ବ୍ୟୁରୋ): ରାଜକନିକାରେ ଅଗ୍ନିକାଣ୍ଡ ଘଟି ୨୦ ବଖରା ଘର ଜଳିଯାଇଛି । ଏଭଲି ଏକ ଘଟଣା ଦେଖିବାକୁ ମିଳିଛି କେନ୍ଦ୍ରାପଡା ବ୍ଲକ ଅନ୍ତର୍ଗତ ବରୁଣାଡିହା ଗ୍ରାମରେ । ସୂଚନା ଅନୁସାରେ ଗତକାଲି ବିଲମ୍ବିତ ରାତିରେ ବିଦ୍ୟୁତ ସର୍ଟ ସର୍କିଟ ହୋଇ ବରୁଣାଡିହା ଗ୍ରାମରେ ନିଆଁ ଲାଗିଯାଇଥିଲା । ଫଳରେ ୨୦ ବଖରା ଘର ଜଳିପୋଡି ନଷ୍ଟ ହୋଇ ଯାଇଛି । ଏହା ସହ ଲକ୍ଷାଧିକ ଟଙ୍କାର ସମ୍ପତି ନଷ୍ଟ ହୋଇ ଯାଇଥିବାର ଜଣାଯଡିଛି ।
ତେବେ ନିଆଁରେ ଦୁଇ ଗାଇ ଜୀବନ୍ତ ଦଗ୍ଧ ହୋଇଯାଇଛନ୍ତି । ନିଆଁ ଲାଗିଯାଇଥିବାର ଖବର ପାଇ ଘଟଣା ସ୍ଥଳରେ ଅଗ୍ନିଶମ ବିଭାଗ ପହଞ୍ଚି ନିଆଁକୁ ଆୟତ୍ତ କରିଥିବାର ଜଣାପଡିଛି ।ନିଆଁ ଲାଗିଯିବା ଫଳରେ ଗ୍ରାମର ବସନ୍ତ ବାରିକ, ଗୋଲା ବାରିକ, ହଗୁରା ବାରିକ, ଛୋଟା ବାରିକ ଓ ଶଙ୍କର ବାରିକଙ୍କ ଘର ପୋଡ଼ି ପାଉଁଶ ହୋଇଯାଇଥିବା ଜଣାଯାଇଛି।
