ମୟୁରଭଞ୍ଜ ( ଏଟିଆର ବ୍ୟୁରୋ): ମୟୁରଭଞ୍ଜ ବେତନଟୀରେ ଘଟିଛି ସିରିଜ ଦୁର୍ଘଟଣା । ଏକ ହାଇୱା ଟ୍ରକ ଗୋଟେ ପରେ ଗୋଟେ ଗାଡିକୁ ଧକ୍କା ଦେଇଛି । ଯେଉଁଥିରେ ଘଟଣା ସ୍ଥଳରେ ୨ ଜଣଙ୍କର ମୃତ୍ୟୁ ହୋଇଥିବା ବେଳେ ୪ ଜଣ ଗରୁତର ଆହତ ହୋଇଛନ୍ତି । ସୂଚନା ଅନୁସାରେ ଗତକାଲି ରାତିରେ ବେତନଟୀ ହନୁମାନ ମନ୍ଦିର ପାଖରେ ହାଇୱା ଟ୍ରକ ପ୍ରଥମେ ଏକ ଜିପକୁ ଧକ୍କା ଦେଇଥିଲା । ପରେ ପୁଣି ଏକ ମୋଟର ସାଇକେଲକୁ ଧକ୍କା ଦେଇଥିଲା ।
ଜିପରେ ଥିବା ୪ ଜଣଙ୍କ ମଧ୍ୟରୁ ଜଣଙ୍କର ମୃତ୍ୟୁ ହୋଇଥିବା ବେଳେ ମୋଟର ସାଇକେଲରେ ଥିବା ୨ ଜଣଙ୍କ ମଧ୍ୟରୁ ଜଣଙ୍କର ମୃତ୍ୟୁ ହୋଇଛି । ଆହତଙ୍କ ମଧ୍ୟରେ ଜଣେ ମହିଳା ଅଛନ୍ତି । ସମସ୍ତ ଆହତଙ୍କୁ ବେତନଟୀ ସ୍ବାସ୍ଥ୍ୟକେନ୍ଦ୍ରରେ ଭର୍ତ୍ତି କରାଯାଇଛି । ହାଇୱା ଟିର ବେଗ ଅଧିକ ଥିବାରୁ ଭାରସ୍ୟାମ ହରି ଜିପ ଓ ବାଇକକୁ ଧକ୍କା ଦେଇଥିବା କୁହାଯାଉଛି ।
ମଟର ସାଇକେଲରେ ବାରିପଦା ଆରପଟାର ଚନ୍ଦନ ନାଏକ ଓ ବାଲେଶ୍ବର ମିତ୍ରପୁରର ଚନ୍ଦନ ସର୍କାର ଥିବା ସୂଚନା ରହିଛି । ସେହିଭଳି ଜିପରେ ଜିପ୍ରେ ସିଦ୍ଧାନ୍ତ ପାଲ, ଶିବାନୀ ତରେଇ ମନୀଷ ତରେଇ,ଏବଂ ମୁକ୍ତିଆର ରହେମନ ଥିଲେ । ପୋଲିସ ଘଟଣା ସ୍ଥଳରେ ପହଞ୍ଚି ଆହତ ମାନଙ୍କୁ ଉଦ୍ଧାର କରି ଡାକ୍ତରଖାନାରେ ଭର୍ତ୍ତି କରିଥିଲା । ଗତକାଲି ମଧ୍ୟ ରାତି ପର୍ଯ୍ୟନ୍ତ ଡାକ୍ତର ଖାନାରେ ସମ୍ପର୍କୀୟଙ୍କ ଭିଡ ହୋଇଥିଲା ।
