ଭୁବନେଶ୍ୱର (ଏଟିଆର ବ୍ୟୁରୋ): ସଡକ ଦୁର୍ଘଟଣା । ଟ୍ରକ୍ ଏବଂ ପୋଲିସ ଭ୍ୟାନ୍ ମୁହାଁ ମୁହିଁ ଧକ୍କା ହୋଇଥିବା ଜାଣିବାକୁ ମିଳିଛି । ଯାଜପୁରର ଗୋକର୍ଣ୍ଣେଶ୍ୱର ବ୍ରିଜ୍ ଉପରେ ଏହି ଦୁର୍ଘଟଣା ଘଟିଛି । ଏଥିରେ ପୋଲିସ୍ ଭ୍ୟାନ୍ ରେ ଥିବା ୧୦ ପୋଲିସ କର୍ମଚାରୀଙ୍କ ସମେତ ଟ୍ରକ୍ ଡ୍ରାଇଭର ଆହତ ହୋଇଛନ୍ତି ।
କରୋନାକୁ ମୁକାବିଲା କରିବା ପାଇଁ ଏବେ ଜରୁରୀ ସେବାରେ ପୋଲିସ କର୍ମଚାରୀ ଲାଗିଥିବା ବେଳେ ମାଲବାହୀ ଗାଡି ଗୁଡିକ ଚଳାଚଳ କରୁଛି । ଇତିମଧ୍ୟରେ ଏଭଳି ଏକ ଦୁର୍ଘଟଣା ଘଟିଛି । ପୋଲିସ ଭ୍ୟାନ୍ ଟି ବାଲେଶ୍ୱର ଯାଉଥିବା ସମୟରେ ଯାଜପୁରର ଗୋକର୍ଣ୍ଣେଶ୍ୱର ବ୍ରିଜ୍ ଉପରେ ଭ୍ୟାନ୍ ଓ ଟ୍ରକ୍ ମୁହାଁ ମୁହିଁ ଧକ୍କା ହୋଇଛି ।
