ଦେବଗଡ (ଏଟିଆର ବୁରୋ); ରାସ୍ତାରେ ଯାଉଥିବା ଜଣେ ଶଗଡିଆକୁ ଧକ୍କା ଦେଲା ଅଜଣା ଗାଡି । ଘଟଣାସ୍ଥଳରେ ଶଗଡିଆଙ୍କ ସହ ଗୋଟିଏ ବଳଦର ମଧ୍ୟ ମୃତ୍ୟୁ ହୋଇଛି । ଅନ୍ୟ ଏକ ବଳଦ ଗୁରୁତର ଆହତ ହୋଇଛି । ତେବେ ଏଭଳି ମର୍ମନ୍ତୁଦ ସଡକ ଦୁର୍ଘଟଣା ଘଟିଛି ଦେବଗଡ ଜିଲ୍ଲା ରିଆମାଳ ଥାନା ଅନ୍ତର୍ଗତ ଛତାବର ନିକଟରେ । ମୃତକ ହେଲେ ସୁଗ୍ରୀବ ସାହୁ । ତାଙ୍କ ଘର ଛତାବର ଜାମୁବଣିଆ ଗ୍ରାମରେ । ସ୍ଥାନୀୟ ଲୋକ କ୍ଷତିପୂରଣ ଦାବୀରେ ୫୩ ନମ୍ବର ଜାତୀୟ ରାଜପଥକୁ ଅବରୋଧ ରଖିଛନ୍ତି । ଖବର ପାଇ ପୋଲିସ ଘଯଣାସ୍ଥଳରେ ପହଁଞ୍ଚି ତଦନ୍ତ ଆରମ୍ଭ କରିଛି ।
ମିଳିଥିବା ସୂଚନା ମୁତାବକ ଶନିବାର ଭୋର ୫ଟା ସମୟରେ ଜମିକୁ ଶଗଡ ନେଇ ସୁଗ୍ରୀବ ଯାଉଥିବା ବେଳେ ହଠାତ ଏକ ଅଜଣା ଗାଡି ଆସି ଶଗଡକୁ ଧକ୍କା ଦେଇଥିଲା । ଏତେ ଜୋରରେ ଧକ୍କା ହୋଇଥିଲା କି ଘଟଣାସ୍ଥଳରେ ହିଁ ସୁଗ୍ରୀବ ଏବଂ ଏକ ବଳଦର ମୃତ୍ୟୁ ହୋଇଥିଲା । ସ୍ଥାନୀୟ ଲୋକ ମୃତକଙ୍କ ପରିବାରକୁ କ୍ଷତି ପୂରଣ ପାଇଁ ରାସ୍ତା ଅବରୋଧ କରିଥିଲେ । ଫଳରେ ରାସ୍ତାର ଉଭୟ ପାଶ୍ୱରେ ଶହ ଶହ ଗାଡି ଅଟକି ରହିଥିଲା । ପରେ ପୋଲିସ ଆସି ସେମାନଙ୍କୁ ବୁଝାଶୁଝା କରିଥିଲା । ମୃତ ଦେହକୁ ଉଦ୍ଧାର କରି ବ୍ୟବଛେଦ ପାଇଁ ପଠାଇ ଦେଇଛି ପୋଲିସ । ଘଟଣାର ତଦନ୍ତ ଆରମ୍ଭ କରିଛି ପୋଲିସ ।
