ବୌଦ୍ଧ (ଏଟିଆର ବ୍ୟୁରୋ); ଗୁରବାର ଭୋର ସମୟରେ ଘଟିଛି ଏକ ମର୍ମନ୍ତୁଦ ସଡକ ଦୁର୍ଘଟଣା । ଏଥିରେ ଜଣଙ୍କର ପ୍ରାଣ ଯାଇଥିବା ବେଳେ ୫ ଜଣ ଗୁରୁତର ଆହତ ହୋଇଛନ୍ତି । ବୌଦ୍ଧ ଜିଲ୍ଲା ହରଭଙ୍ଗା ବ୍ଳକ ଅନ୍ତର୍ଗତ ଚାରିଛକ ନିକଟରେ ଘଟିଛି ଏଭଳି ମର୍ମନ୍ତୁଦ ସଡକ ଦୁର୍ଘଟଣା । ରାସ୍ତା କଡରେ ଥିବା ଏକ ଗଛରେ ଡିଡେ ଗାଡି ପିଟି ହୋଇ ଦୁର୍ଘଟଣାଗସ୍ତ ହୋଇଛି । ଏଥିରେ ଉପରକଟା ଗାଁର ସୁନୀଲ ମଲ୍ଲିକଙ୍କ ମୃତ୍ୟୁ ହୋଇଛି । ଆହତ ୫ ଜଣଙ୍କୁ ବୁର୍ଲା ମେଡିକାଲକୁ ସ୍ଥାନାନ୍ତରିତ କରାଯାଇଛି । ପୋଲିସ ମୃତ ଦେହକୁ ଉଦ୍ଧାର କରି ବ୍ୟବଛେଦ ପାଇଁ ପଠାଇ ଦେଇଛି । ଘଟଣାର ତଦନ୍ତ ଆରମ୍ଭ କରିଛି ପୋଲିସ ।
ପୋଲିସ ସୂଚନା ମୁତାବକ ଗୁରୁବାର ଭୋର ୪ଟା ସମୟରେ ଡିଜେ ଗାଡିଟି ଚାରିଛକ ଅଭିମୁଖେ ଆସୁଥିବା ବେଳେ ହଠାତ ଭାରସାମ୍ୟ ହରାଇ ଗଛରେ ପିଟି ହୋଇ ଯାଇଥିଲା । ଫଳରେ ଘଟଣାସ୍ଥଳରେ ହିଁ ସୁନୀଲଙ୍କ ମୃତ୍ୟୁ ହୋଇଯାଇଥିଲା । ପରେ କବର ପାଇ ନିକସ୍ଥ ପୁରୁଣାକଟକ ପୋଲିସ ଘଟଣାସ୍ଥଳରେ ପହଁଞ୍ଚି ଗାଡିକୁ ଜବତ କରିବା ସହିତ ମୃତ ଦେହକୁ ଉଦ୍ଧାର କରି ବ୍ୟବଛେଦ ପାଇଁ ପଠାଇ ଦେଇଛି । ସେପଟେ ଏହି ଦୁର୍ଘଟଣାରେ ଗୁରୁତର ଆହତମାନେ ହେଲେ ତିଳେଶ୍ୱର ଗାଁର ରାଜା ଝଙ୍କାର, ମାଜେଶ ବେହେରା, କରଞ୍ଜକଟା ଗାଁର ଅତିରାତ୍ର ପ୍ରଧାନ ଓ ଉପରକଟା ଗାଁର ସୁନୀଲ ହଂସ। ଆହତଙ୍କୁ ପ୍ରଥମେ ବୌଦ୍ଧ ଡାକ୍ତରଖାନାରେ ଭର୍ତ୍ତି କରାଯାଇଥିଲା। ପରେ ବୁର୍ଲା ମେଡିକାଲ୍କୁ ସ୍ଥାନାନ୍ତର କରାଯାଇଛି।
