ଭଦ୍ରକ (ଏଟିଆର ବ୍ୟୁରୋ); ଚଳନ୍ତା ଟ୍ରକରେ ନିଆଁ । ରାସ୍ତା ଉପରେ ହୁତୁହୁତୁ ହୋଇ ଜଳିଗଲା ଟ୍ରକ । ଭଦ୍ରକ ଜିଲ୍ଲା ୧୬ ନମ୍ବର ଜାତୀୟ ରାଜପଥ ଭଣ୍ଡାରିପୋଖରୀ ଅଞ୍ଚଳରେ ଘଟିଛି ଏଭଳି ଅଗ୍ନିକାଣ୍ଡ । ଟ୍ରକ ଡାଇଭର ଫେରାର ହୋଇ ଯାଇଛି । ଅଗ୍ନିଶମ ବିଭାଗ ଖବର ପାଇବା ପରେ ନିଆଁକୁ ଆୟତ କରିଥିଲା । ପୋଲିସ ଘଟଣାର ତଦନ୍ତ ଆରମ୍ଭ କରିଛି । ନିଆଁ ଲାଗିବାର କାରଣ ଅସ୍ପଷ୍ଠ ।
ସୂଚନା ଅନୁଯାୟୀ, ଗତକାଲି କଟକରୁ ଭଦ୍ରକ ଯାଉଥିବା ଏକ ଦିଆସିଲ ବୋଝେଇ ଟ୍ରକରେ ହଠାତ ନିଆଁ ଲାଗିଯାଇଥିଲା । ରାସ୍ତା ଉପରେ ଟ୍ରକଟି ଜଳି ଯାଇଥିଲା । ତେବେ ଟ୍ରକରେ ଥିବା ଡ୍ରାଇଭର ଏବଂ ହେଲଫର ଫେରାର ହୋଇଯାଇଥିଲେ । ସ୍ଥାନୀୟ ଲୋକ ପୋଲିସ ଏବଂ ଅଗ୍ନିଶମ କର୍ମଚାରୀଙ୍କୁ ଖରବ ଦେଇଥିଲେ । ଖବର ପାଇ ଅଗ୍ନିଶମ କର୍ମଚାରୀ ନିଆଁକୁ ଆୟତ କରିଥିଲେ ସତ କିନ୍ତୁ ସେତିକି ବେଳକୁ ସବୁକିଛି ସରିଯାଇଥିଲା ।
ଲକ୍ଷ ଲକ୍ଷ ଟଙ୍କାର ସମ୍ପତି ପୋଡି ପାଉଁଶ ହୋଇଯାଇଥିଲା । ଟ୍ରକଟି ସମ୍ପୂର୍ଣ୍ଣ ଭାବରେ ପୋଡି ଯାଇଛି । ରାସ୍ତା ଉପରେ ହୁତୁହୁତୁ ହୋଇ ଜଳୁଥିବାରୁ ଲୋକମାନେ ଦେଖି ଭୟ କରିଯାଇଥିଲେ । ଦିଆସିଲ ଯାଉଥିବାରୁ ପାଖକୁ ଯିବା କେହି ସାହସ କରିନଥିଲେ । କାଳେ ନିଆଁ ଉଡିକି ଆସି ଦେହରେ ପଡିଯିବ । ତେବେ ନିଆଁ ଲିଭିବା ପରେ ରାସ୍ତା ଯାତାୟତ ସ୍ୱାଭାବିକ ହୋଇଥିଲା ।
