ଅନୁଗୋଳ (ଏଟିଆର ବ୍ୟୁରୋ); ଭାରସାମ୍ୟ ହରାଇ ପୋଲତଳକୁ ଖସି ପଡିଛି କୋଇଲା ବୋଝେଇ ଟ୍ରାକ୍ଟର । ଘଟଣାସ୍ଥଳରେ ଡ୍ରାଇଭରଙ୍କ ମୃତ୍ୟୁ ହୋଇଥିବା ବେଳେ ହେଲଫର ଗୁରୁତର ଆହତ ହୋଇଛନ୍ତି । ତେବେ ଏଭଳି ମର୍ମନ୍ତୁଦ ସଡକ ଦୁର୍ଘଟଣା ଘଟିଛି ଅନୁଗୋଳ ଜିଲ୍ଲା ଠାକୁରଗଡ ଥାନା ଅନ୍ତର୍ଗତ ସାନହୁଲା ଅଞ୍ଚଳରେ । ଖବର ପାଇ ପୋଲିସ ଘଟଣାସ୍ଥଳରେ ପହଁଞ୍ଚି ଆହତଙ୍କୁ ଉଦ୍ଧାର କରି ମେଡିକାଲରେ ଭର୍ତ୍ତି କରିଛି । ଅପରପକ୍ଷରେ ମୃତ ଦେହକୁ ଉଦ୍ଧାର କରି ବ୍ୟବଛେଦ ପାଇଁ ପଠାଇ ଦେଇଛି ପୋଲିସ । ମୃତକ ହେଲେ ବରପାଲିର ହାଡିବନ୍ଧୁ ନାଏକ । ହେଲଫରଙ୍କ ପରିଚୟ ମିଳିପାରି ନାହିଁ ।
ସୂଚନା ଅନୁଯାୟୀ ଶନିବାର କୋଇଲା ନେଇ ହାଡିବନ୍ଧୁ ଏବଂ ହେଲଫର ଆସୁଥିବା ବେଳେ ହଠାତ ସାନହୁଲା ନିକଟରେ ଥିବା ଏକ ପୋଲତଳକୁ ଭାରସାମ୍ୟ ହରାଇ ଖସିପଡିଥିଲା ଟ୍ରାକ୍ଟର । ଦୁହେଁ ତଳେ ପଡିବା ପରେ କୋଇଲା ସେମାନଙ୍କ ଉପରେ ଗଦା ହୋଇଯାଇଥିଲା । ତେବେ ସ୍ଥାନୀୟ ଲୋକ ଏହି ଦୁର୍ଘଟଣା ଦେଖିବା ପରେ ସେମାନେ ଉଭୟଙ୍କୁ ଉଦ୍ଧାର କରିବା ପାଇଁ ଚେଷ୍ଟା କରିଥିଲେ । ଉଭୟଙ୍କୁ ସ୍ଥାନୀୟ ଲୋକ ଉଦ୍ଧାର କରିଥିଲେ ଲୋକ । କିନ୍ତୁ ହାଡିଙ୍କର ଘଟଣାସ୍ଥଳରେ ହିଁ ମୃତ୍ୟୁ ହୋଇଯାଇଥିଲା । ହେଲଫରଙ୍କ ଅବସ୍ଥା ଗୁରୁତର ଥିବା ଦେଖିବାକୁ ମିଳିଛି । ପୋଲିସ ଖବର ପାଇ ଘଟଣାସ୍ଥଳରେ ପହଁଞ୍ଚି ତଦନ୍ତ ଆରମ୍ଭ କରିଛି ।
