ଢେଙ୍କାନାଳ(ଏଟିଆର ବ୍ୟୁରୋ): ପ୍ରଶିକ୍ଷଣ ବେଳେ ଖସିପଡିଲା ବିମାନ । ଫଳରେ ଦୁଇ ଜଣଙ୍କର ମୃତ୍ୟୁ ହୋଇଛି । ଏଭଲି ଏକ ଘଟଣା ଦେଖିବାକୁ ମିଳିଛି ଢେଙ୍କାନାଳ ଜିଲ୍ଲା କାମାକ୍ଷାନଗର ବିରାଶାଳ ଏୟାରଷ୍ଟ୍ରିପରେ । ଆଜି ସକାଳୁ ପ୍ରଶିକ୍ଷଣ ପାଇଁ ପ୍ରଶିକ୍ଷକ ପାଇଲଟଙ୍କ ସହ ଜଣେ ଛାତ୍ରୀ ଉଡାଣ ଭରିଥିଲେ । ହେଲେ ବିମାନଟି ହଠାତ ୧୦୦ ଫୁଟ ଉଚ୍ଚରୁ ତଳକୁ ଖସିପଡିଥିଲା ।
ଫଳରେ ବିମାନରେ ଥିବା ମୁଖ୍ୟ ପ୍ରଶିକ୍ଷକ କ୍ୟାପେଟେନ ସଂଜୀଭ କୁମାର ଝା ଓ ଛାତ୍ରୀ ପାଇଲଟ ଅନିଶ ଫାତିମା ଗୁରୁତର ହୋଇ ପଡିଥିଲେ । ଉଭୟଙ୍କୁ ଉଦ୍ଧାର କରାଯାଇ କାମାକ୍ଷାନଗର ଚିକିତ୍ସାଳୟରେ ଭର୍ତ୍ତି କରାଯାଇଥିଲା । ସେଠାରେ ଡାକ୍ତର ସେମାନଙ୍କର ମୃତ୍ୟୁ ହୋଇଥିବାର ଘୋଷଣା କରିଥିଲେ । କେଉଁ କାରଣରୁ ବିମାନଟି ଖସି ପଡିଛି ତାହା ଜଣା ପଡିନି ।
