ଅନୁଗୋଳ (ଏଟିଆର ବ୍ୟୁରୋ); ବାଇକରେ ଲିଫ୍ଟ ମାଗି ଯାଉଥିଲେ ମହିଳା । ପଛପଟୁ ଧକ୍କା ଦେଲା ଟ୍ରକ । ଘଟଣାସ୍ଥଳରେ ଚାଲିଗଲା ମହିଳାଙ୍କ ଜୀବନ । ତେବେ ଏଭଳି ମର୍ମନ୍ତୁଦ ସଡକ ଦୁର୍ଘଟଣା ଘଟିଛି ଅନୁଗୋଳ ଜିଲ୍ଲା ବଅଁରପାଳ ଥାନା ଅନ୍ତର୍ଗତ ବୁଢ଼ାପଙ୍କ ନିକଟ ୫୫ ନମ୍ବର ଜାତୀୟ ରାଜପଥରେ । ମୃତ ମହିଳାଙ୍କ ପରିଚୟ ମିଳିପାରି ନାହିଁ । ରାସ୍ତା ମହିଳାଙ୍କ ଶବ ପଡିରହିଛି । ଏଣୁ ରାସ୍ତାର ଉଭୟ ପାଶ୍ୱରେ ଗାଡି ଅଟକି ରହିଛି । ପୋଲିସ ଖବର ପାଇ ଘଟଣାସ୍ଥଳରେ ପହଁଞ୍ଚିଛି ।
ସୂଚନା ଅନୁଯାୟୀ ମହିଳା ଜଣକ କଣ୍ଟାବଣିଆରୁ ଜଣେ ଲୋକ ସହିତ ଲିଫ୍ଟମାଗି ଆସୁଥିଲେ । ତେବେ ବଅଁରପାଳ ନିକଟରେ ଟ୍ରକ ଆସି ବାଇକ ପଛପଟେ ଧକ୍କା ଦେଇଥିଲେ । ଗାଡିରୁ ଛିଟିକି ପଡିବା ପରେ ମହିଳାଙ୍କ ମୃତ୍ୟୁ ହୋଇଛି । ଟ୍ରକ ନେଇ ଡ୍ରାଇଭର ଫେରାର ହୋଇଯାଇଛି । ପୋଲିସ ଖବର ପାଇ ଘଟଣାସ୍ଥଳରେ ପହଁଞ୍ଚି ତଦନ୍ତ ଆରମ୍ଭ କରିଛି । ଗତକାଲି ମଧ୍ୟ ଅନୁଗୋଳ ଜିଲ୍ଲାରେ ଏକ ବଡ ସଡକ ଦୁର୍ଘଟଣା ଘଟିଥିଲା । ଜଣେ ଶିକ୍ଷୟିତ୍ରୀଙ୍କ ଜୀବନ ଚାଲିଯାଇଥିବା ବେଳେ ତାଙ୍କ ପୁଅ ଏବଂ ସ୍ୱାମୀ ଅଳ୍ପକେ ବର୍ତ୍ତି ଯାଇଥିଲେ । ତେବେ ଏହି ଘଟଣାକୁ ୨୪ ଘଣ୍ଟା ନପୁରିବା ପୂର୍ବରୁ ପୁଣି ଏଭଳି ଏକ ଅଘଟଣ ଘଟିଛି ।
