ପାରାଦ୍ୱୀପ(ଏଟିଆର ବ୍ୟୁରୋ): ପାରାଦ୍ୱୀପ ମୁହାଣରେ ଏକ ଅଘଟଣ ଘଟିଛି । ଡଙ୍ଗା ବୁଡି ଦୁଇ ଜଣଙ୍କର ମୃତ୍ୟୁ ହୋଇଛି । ସେହିପରି ୧୩ ଜଣଙ୍କୁ ଉଦ୍ଧାର କରାଯାଇଛି । ସୂଚନା ଅନୁସାରେ ପାଦୀପ ମୁହାଣ ଦେଇ ମା’ କାଳୀ ଡଙ୍ଗାରେ ୧୫ ଜଣ ସତ୍ସ୍ୟଜୀବୀ ମାଛ ଧରିବା ପାଇଁ ସମୁଦ୍ର ଭିତରକୁ ଯାଇଥିଲେ । ମାଛ ଧରି ଫେରୁଥିବା ସମୟରେ ମୁହାଣ ନିକଟରେ ଡଙ୍ଗରଟି ବୁଡି ଯାଇଥିଲା ।
ଫଳରେ ଦୁଇ ଜଣ ମତ୍ସ୍ୟଜୀବୀ ମୃତ୍ୟୁବରଣ କରିଛନ୍ତି । ଅନ୍ୟ ୧୩ ଜଣଙ୍କ ଉଦ୍ଧାର କରାଯାଇ ମେଡିକାଲରେ ଭର୍ତ୍ତି କରାଯାଇଛି । ସେମାନଙ୍କ ମଧ୍ୟରୁ ଜଣଙ୍କର ଅବସ୍ଥା ଗୁରୁତର ଥିବାର ଜଣାପଡିଛି । ତେବେ କେଉଁ କାରଣରୁ ଡଙ୍ଗାଟି ବୁଡି ଯାଇଥିଲା ତାହା ଜଣା ପଡିନାହିଁ ।
