କେନ୍ଦୁଝର (ଏଟିଆର ବ୍ୟୁରୋ); କିଏ ଜାଣିଥିଲା ଏମିତି ହେବ । ସବୁଦିନ ଭଳି ଆଜି ମଧ୍ୟ ପୋଖରୀକୁ ଗାଧୋଇବା ପାଇଁ ଯାଇଥିଲେ । ତେବେ ଗୋଡ ଖସି ଯିବାରୁ ବୁଡି ଯାଇଥିଲେ ଦୁଇ ନାବାଳିକା । ତେବେ ଉଭୟଙ୍କୁ ଉଦ୍ଧାର କରି ମେଡିକାଲ ନେବା ବାଟରେ ଅଟୋ ଦୁର୍ଘଟଣାର ଶିକାର ହୋଇଥିଲା । ତେବେ ବିଳମ୍ବରେ ଦୁଇ ନାବାଳିକା ମେଡିକାଲରେ ପହଁଞ୍ଚିଥିବାରୁ ମୃତ୍ୟୁ ହୋଇଛି । କେନ୍ଦୁଝର ଜିଲ୍ଲା ଆନନ୍ଦପୁର ଅଞ୍ଚଳରେ ଘଟିଛି ଏଭଳି ଦୁଃଖଦ ଘଟଣା । ମୃତକ ନାବାଳିକା ଦ୍ୱୟ ହେଲେ ଅନିତା ମହାଖୁଡ ଏବଂ ଅନିଶା ନାୟକ ।
ଆଜି ସକାଳେ ଉଭୟ ସାଙ୍ଗ ହୋଇ ପୋଖରୀକୁ ଗାଧୋଇବା ପାଇଁ ଯାଇଥିଲେ । ତେବେ ସେଠାରେ ଗୋଡ ଖସି ଯିବାରୁ ଉଭୟ ପୋଖରୀରେ ବୁଡି ଯାଇଥିଲେ । ସ୍ଥାନୀୟ ଲୋକ ଉଭୟଙ୍କ ଉଦ୍ଧାର କରିଥିଲେ । ଏହାପରେ ଉଭୟଙ୍କ ମା ମେଡିକାଲ ନେଇ ଯାଉଥିଲେ । ଦୁର୍ଭାଗ୍ୟ ବସତଃ ରାସ୍ତାରେ ସେମାନେ ଯାଉଥିବା ଅଟୋଟି ଦୁର୍ଘଟଣାର ଶିକାର ହୋଇଥିଲା ।
ଦୁଇ ମହିଳା ଏହି ଦୁର୍ଘଟଣାରେ ଆହତ ହୋଇଛନ୍ତି । ସ୍ଥାନୀୟ ଲୋକ ସମସ୍ତଙ୍କୁ ଉଦ୍ଧାର କରି ମେଡିକାଲରେ ଭର୍ତ୍ତି କରିଥିଲେ । ତେବେ ଡାକ୍ତର ସେଠାରେ ଅନିତା ଏବଂ ଅନିଶାଙ୍କୁ ମୃତ ଘୋଷଣା କରିଥିଲେ । ମେଡିକାଲରେ ପହଁଞ୍ଚିବାରେ ବିଳମ୍ବ ହେବାରୁ ଉଭୟଙ୍କ ମୃତ୍ୟୁ ହୋଇଥିବା ଡାକ୍ତର ସୂଚନା ଦେଇଛନ୍ତି । ଏହି ଘଟଣା ସ୍ଥାନୀୟ ଅଞ୍ଚଳରେ ଜାଣିବା ପରେ ଶେଶକର ଛାୟା ଖେଳିଯାଇଛି ।
