ବାଲେଶ୍ୱର (ଏଟିଆର ବ୍ୟୁରୋ); ଡ୍ୟୁଟି ସମୟରେ ଅସୁସ୍ଥ ହୋଇପଡିଲେ ମହିଳା ପ୍ରିଜାଇଡିଂ ଅଫିସର । ତେବେ ଏଭଳି ଘଟଣା ଘଟିଛି ବାଲେଶ୍ୱର ସୋର ନିର୍ବାଚନ ମଣ୍ଡଳୀର ବାହାନଗା ବ୍ଳକର ୫୦ ନମ୍ବର ବୁଥରେ । ଅସୁସ୍ଥ ହୋଇଥିବା ଅଫିସରଙ୍କ ନାମ ହେଉଛି ସାଗରିକା ନାୟକ । ତାଙ୍କ ସୋର ଡାକ୍ତରଖାନାରେ ଭର୍ତ୍ତି କରାଯାଇଛି । ପ୍ରବଳ ଖରା ହେଉଥିବାରୁ ସାଗରିକା ଗରମ ସହ୍ୟ କରିପାରିନଥିଲେ । ଫଳରେ ସେ ବୁଥରେ ଟଳି ପଡିଥିଲେ । ସେଠାରୁ ତାଙ୍କ ନେଇ ସୋର ମେଡିକାଲରେ ଚିକିତ୍ସା ନିମନ୍ତେ ଭତ୍ତି କରାଯାଇଛି । ଜଗତସିଂହପୁର ବାଲିକୁଦା ଓଚିନ୍ଦା ବୁଥରେ ମଧ୍ୟ ଜଣେ ପୁଲିଂ କର୍ମଚାରୀ ଅସୁସ୍ଥ ହୋଇଥିବା ଶୁଣିବାକୁ ମିଳିଛି ।
ଚଳିତ ବର୍ଷ ବହୁ ପୁଲିଂ କର୍ମଚାରୀ ଅସୁସ୍ଥ ହୋଇଥିବା ଦେଖିବାକୁ ମିଳୁଛି । ଗରମ ପରିମାଣ ଅଧିକ ହୋଇଥିବାରୁ ଏଭଳି ଘଟୁଥିବା ଜଣାପଡିଛି । ଚଳିତ ବର୍ଷ ଦ୍ୱିତୀୟ ପର୍ଯ୍ୟାୟ ମତଦାନ ବେଳେ ଜଣେ କର୍ମଚାରୀ ବୁଥରେ ପ୍ରାଥ ମଧ୍ୟ ହରାଇଥିଲେ ।ଢ଼େଙ୍କାନାଳରେ ଦ୍ୱିତୀୟ ପର୍ୟ୍ୟାୟ ବେଳେ ୪୧ ନମ୍ବର ବୁଥରେ ନବ କିଶୋରଙ୍କ ଜୀବନ ଚାଲିଯାଇଥିଲା । ଗତକାଲି ଜଣେ ପୁଲିଂ କର୍ମଚାରୀ ଡ୍ୟୁୁଟିରେ ଯାଉଥିବା ବେଳେ ତାଙ୍କର ମୃତ୍ୟୁ ମଧ୍ୟ ହୋଇଥିଲା । ମୃତ କର୍ମଚାରୀ ହେଲେ ପୂର୍ଣ୍ଣଚନ୍ଦ୍ର ପଣ୍ଡା । ସେ ବାରବାଟୀ ବାଳିକା ହାଇସ୍କୁଲର ଚତୁର୍ଥ ଶ୍ରେଣୀ କର୍ମଚାରୀ ।
