କଳାହାଣ୍ଡି (ଏଟିଆର ବ୍ୟୁରୋ); ଗୋଟିଏ ଘାଟିରେ ଦୁଇଟି ଟ୍ରକ ଦୁର୍ଘଟଣାଗ୍ରସ୍ତ ହୋଇଛି । ତେବେ ଭଗବାନଙ୍କ ଦୟାରୁ କାହାର କିଛି କ୍ଷତି ହୋଇନାହିଁ । କିନ୍ତୁ ରାସ୍ତରେ ଗୋଟିଏ ଟ୍ରକ ପଡି ରହିଥିବାରୁ ଯାତାୟତ ବାଧାପ୍ରାପ୍ତ ହୋଇଛି । ଭବାନୀପାଟଣା-ରାୟଗଡା ରାଜପଥରେ ଘଟିଛି ଏଭଳି ମର୍ମନ୍ତୁଦ ସଡକ ଦୁର୍ଘଟଣା । ପୋଲିସ ଖବର ପାଇବା ପରେ ଘଟଣାସ୍ଥଳରେ ପହଁଞ୍ଚିଛି ।
ମିଳିଥିବା ସୂଚନା ଅନୁଯାୟୀ ସିକେରକୁପା ଢ଼େପଗୁଡା ଘାଟି ମଙ୍ଗଳା ମନ୍ଦିର ନିକଟରେ ମଙ୍ଗଳବାର ଦୁଇଟି ଟ୍ରକ ଦୁର୍ଘଟଣା ଘଟିଛି । ଏମ୦୯ଏଚଜି୩୨୧୪ ନମ୍ବର ବିଶିଷ୍ଟ ଗହମ ବୋଝେଇ ଟ୍ରକ୍ ରାୟଗଡା ପଟକୁ ଯାଉଥିବା ସମୟରେ ରାସ୍ତା ଉପରେ ଓଲଟି ପଡିଛି । ସେହିପରି ଭବାନୀପାଟଣା ପଟକୁ ଯାଉଥିବା ଆରଜେ୦୭ଜିଏ୯୧୫୫ ନମ୍ବର ବିଶିଷ୍ଟ ଟ୍ରକଟି ଭାରସାମ୍ୟ ହରାଇ ରାସ୍ତା କଡରେ ଏକ ଗଛରେ ପିଟି ହୋଇଯାଇଛି।
ଦୁର୍ଘଟଣା ଘଟିବା ପରେ ସ୍ଥାନୀୟ ଲୋକ ଏବଂ ରାସ୍ତାରେ ଯାଉଥିବା ଲୋକ ଘଟଣାସ୍ଥଳରେ ଅଟକି ଯାଇଥିଲେ । ତେବେ ଗୋଟିଏ ଟ୍ରକ ରାସ୍ତା ଉପରେ ପଡି ରହିଥିବାରୁ ଯାତାୟତରେ ବାଧାପ୍ରାପ୍ତ ହୋଇଛି । ଯଦିଓ ବାଇକ ଯିବା ଆସିବ ହୋଇପାରୁଛି କିନ୍ତୁ ବଡଗାଡି ଯାଇପାରୁନଥିବା ଦେଖିବାକୁ ମିଳିଛି । ପୋଲିସକୁ ଖବର ଦେବା ପରେ ଘଟଣାସ୍ଥଳରେ ପହଁଞ୍ଚି ଟ୍ରକକୁ ହଟାଇବା ପାଇଁ ଚେଷ୍ଟ କରିଛି ।
