ଭୁବନେଶ୍ୱର (ଏଟିଆର ବ୍ୟୁରୋ): ମହାମାରୀ ପାଇଁ ଶିକ୍ଷା ବ୍ୟବସ୍ଥା ଥପ ହୋଇ ଯାଇଥିଲା । ତେବେ ଏବେ ଧୀରେ ସରକାରଙ୍କ ପକ୍ଷରୁ ବିଭିନ୍ନ ପଦକ୍ଷେପମାନ ଗ୍ରହଣ କରାଯାଇ ଶିକ୍ଷା ବ୍ୟବସ୍ଥାକୁ ସୁଧୁରାଯାଉଛି । ଚଳିତବର୍ଷ କରୋନା ପାଇଁ ମାଟ୍ରିକ ପରୀକ୍ଷା ରେଜଲ୍ଟ ଡେରୀରେ ପ୍ରକାଶିତ ହୋଇଥିବା ବେଳେ ଯୁକ୍ତ୨ ପାଇଁ ନାମଲେଖା ମଧ୍ୟ ଡେରିରେ ଆରମ୍ଭ ହେବାକୁ ଯାଉଛି ।
ତେବେ ଆସନ୍ତ। ଅଗଷ୍ଟ ୨୧ରୁ ଯୁକ୍ତ୨ ନାମଲେଖା ପାଇଁ ଆବେଦନ କରିପାରିବେ ଛାତ୍ରଛାତ୍ରୀ । ଏନେଇ ସ୍କୁଲ ଓ ଗଣଶିକ୍ଷା ମନ୍ତ୍ରୀ ସମୀର ଦାଶ ସୂଚନା ଦେବା ସହ କହିଛନ୍ତି, ଚଳିତ ବର୍ଷ କରୋନା ପାଇଁ ମାଟ୍ରିକ ରେଜଲ୍ଟ ଡେରିରେ ପ୍ରକାଶିତ ହୋଇଥିବା ରେଜଲ୍ଟ ଭଲ ହୋଇଛି । ତେବେ ଏବର୍ଷ କରୋନା ପାଇଁ ଯୁକ୍ତ ୨ ନାମ ଲେଖା ଡେରିରେ ଆରମ୍ଭ ହେବାକୁ ଯାଉଛି । ଛାତ୍ରଛାତ୍ରୀମାନେ ଅନଲାଇନରେ ଆଡମିଶନ ପାଇଁ ଅଗଷ୍ଟ ୨୧ରୁ ସେପ୍ଟେମ୍ବର ୪ ମଧ୍ୟରେ SAMS ସେଣ୍ଟର ଜରିଆରେ ଆବେନ କରିପାରିବେ ।
ମନ୍ତ୍ରୀ ଆହୁରୀ ମଧ୍ୟ କହିଛନ୍ତି, ଚଳିତବର୍ଷ କରୋନା ପାଇଁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଆଡମିଶନ ପାଇଁ ଆବେଦନ ଫି’ କମାଇଛନ୍ତି । ସାଧାରଣ ବର୍ଗର ଛାତ୍ରଛାତ୍ରୀଙ୍କ ପାଇଁ ଏବର୍ଷ ଆବେଦନ ଫି’୨୦୦ଟଙ୍କା ରଖାଯାଇଥିବା ବେଳେ SC/ST ଛାତ୍ରଛାତ୍ରୀଙ୍କ ପାଇଁ ୧୦୦ ଟଙ୍କା ରଖାଯାଇଛି । ଏହା ସହ ସେପ୍ଟେମ୍ବର ୯ରେ ପ୍ରଥମ ମେରିଟ ଲିଷ୍ଟ ପ୍ରକାଶ ପାଇବ ବୋଲି ମନ୍ତ୍ରୀ ସମୀର ଦାଶ କହିଛନ୍ତି ।
