ଭୁବନେଶ୍ୱର (ଏଟିଆର ବ୍ୟୁରୋ): ଯୁକ୍ତ ୩ କଲେଜ ଗୁଡିକରେ ନାମଲେଖା ନିମନ୍ତେ ପ୍ରଥମ ପର୍ଯ୍ୟାୟ କଟ୍ ଅଫ୍ ମାର୍କ ଆଜି ପ୍ରକାଶ ପାଇବ । ତାଲିକା ପ୍ରକାଶ ପାଇବା ପରେ ଆଜି ୨ଟାରୁ ଆସନ୍ତା ୧୪ ତାରିଖ ରାତି ୧୧ ଟା ୪୫ ମଧ୍ୟରେ ନାମଲେଖା ଫି ଅନଲାଇନରେ ଦାଖଲ କରିପାରିବେ ।
ସେହିପରି ଆସନ୍ତା ୧୩ ରୁ ୧୬ ତାରିଖ ମଧ୍ୟରେ ଛାତ୍ରଛାତ୍ରୀମାନେ କଲେଜରେ ରିପୋର୍ଟିଂ କରି ନାମ ଲେଖାଇବେ । ଏନେଇ କଲେଜ ଗୁଡିକ ପାଇଁ ନିୟମାବଳୀ ଜାରି କରିଛି ଉଚ୍ଚଶିକ୍ଷା ବିଭାଗ । ଏହାସହିତ ନାମଲେଖା ନିମନ୍ତେ ଲ୍ୟାବ, କମ୍ପ୍ୟୁଟର, ପ୍ରିଣ୍ଟର, ଇଣ୍ଟରନେଟ ଆଦି ପ୍ରସ୍ତୁତ କରିବା ପାଇଁ ପରାମର୍ଶ ଦିଆଯାଇଛି ।
