ଭୁବନେଶ୍ୱର (ଏଟିଆର ବ୍ୟୁରୋ): ପ୍ରକାଶ ପାଇଲା ଜେଇଇ ମେନ୍ ପରୀକ୍ଷା ଫଳ । ଏଥିରେ ଓଡିଶାର ସୌରଭ ସୌମ୍ୟକାନ୍ତ ଦାସ ଟପ୍ପର ହୋଇଛନ୍ତି । ସେ ୯୯.୯୯ ପ୍ରତିଶତ ମାର୍କ ରଖିଛନ୍ତି । ଏହି ପରୀକ୍ଷାରେ ୯ ଜଣ ପରୀକ୍ଷାର୍ଥୀ ୧୦୦ ପ୍ରତିଶତ ମାର୍କ ସହ କୃତକାର୍ଯ୍ୟ ହୋଇଛନ୍ତି । ନ୍ୟାସନାଲ ଟେଷ୍ଟିଂ ଏଜେନ୍ସି ପକ୍ଷରୁ ଏହି ପରୀକ୍ଷା ଫଳ ଘୋଷଣା କରାଯାଇଛି ।
ସେହିପରି ଏହି ପରୀକ୍ଷାରେ ଦ୍ୱିତୀୟ ସ୍ଥାନରେ ରହିଛନ୍ତି ସ୍ଥିତିପ୍ରଜ୍ଞା ସାହୁ । ସେ ଏଥିରେ ୯୯.୯୮ ପ୍ରତିଶତ ରଖିଛନ୍ତି । ଏହି ପରୀକ୍ଷା ଜାନୁଆରୀ ୭ ରୁ ୯ ଯାଏଁ ଅନୁଷ୍ଠିତ ହୋଇଥିଲା ।
ସେପଟେ ଜେଇଇ ର ଅଫିସିଆଲ ୱେବସାଇଟ୍ jee-main.nic.in ଏବଂ jeemain.nta.nic.in ଜରିଆରେ ପରୀକ୍ଷାତ୍ରୀମାନେ ସେମାନଙ୍କର ପରୀକ୍ଷାଫଳ ଦେଖିପାରିବେ ।
