ଭୁବନେଶ୍ୱର (ଏଟିଆର ବ୍ୟୁରୋ): ଏବେଠୁ ଅସମ୍ଭାଳ ତାତି । ଖରା ତାତିରେ କଲବଲ ହେଉଛନ୍ତି ଲୋକେ । ବୃଦ୍ଧି ପାଉଛି ତାପମାତ୍ରା । ରାଜ୍ୟର କିଛି ଜିଲ୍ଲାରେ ଏବେଠୁ ତାପମାତ୍ରା ୪୦ ଡିଗ୍ରୀ ଛୁଇଁଲାଣି । ଏହାକୁ ଦୃଷ୍ଟିରେ ରଖି ଓସେପା ପକ୍ଷରୁ ସ୍କୁଲ ଗୁଡିକ ପାଇଁ ସ୍ୱତନ୍ତ୍ର ଗାଇଡଲାଇନ୍ ଜାରି କରାଯାଇଛି ।
ଗାଇଡଲାଇନ୍ ଅନୁଯାୟୀ ଗ୍ରୀଷ୍ମ ପ୍ରବାହକୁ ମୁକାବିଲା କରିବା ପାଇଁ ଶିକ୍ଷାନୁଷ୍ଠାନ କର୍ତ୍ତୃପକ୍ଷ ପ୍ରସ୍ତୁତ ରହିବାକୁ ନିର୍ଦ୍ଦେଶ ଦିଆଯାଇଛି । ଶିକ୍ଷାନୁଷ୍ଠାନ ମାନଙ୍କରେ ପିଇବା ପାଣି ଓ ପ୍ରଚୁର ପରିମାଣର ଓଆରଏସ ମହଜୁଦ ରଖିବ ପାଇଁ କୁହାଯାଇଛି । ଏହାସହିତ ପିଲାମାନଙ୍କୁ ସେମାନଙ୍କ ଅବିଭାବକ ପାଣି ବୋତଲ ଦେଇ ସ୍କୁଲକୁ ପଠାଇବା ପାଇଁ ମଧ୍ୟ ଗାଇଡଲାଇନ୍ରେ କୁହାଯାଇଛି ।
ଏନେଇ ଓସେପାର ରାଜ୍ୟ ପ୍ରକଳ୍ପ ନିର୍ଦ୍ଦେଶକ ଚିଠି ଲେଖି ଗାଇଡଲାଇନ ବାବଦରେ ରାଜ୍ୟର ସମସ୍ତ ଡିଇଓ ଏବଂ ଡିପିସିକୁ ଅବଗତ କରାଇଛନ୍ତି ।
