ଭୁବନେଶ୍ୱର (ଏଟିଆର ବ୍ୟୁରୋ): NEET ପରୀକ୍ଷା ପାଇଁ ବିଏମସି ପକ୍ଷରୁ ସ୍ୱତନ୍ତ୍ର ବ୍ୟବସ୍ଥା ଗ୍ରହଣ କରାଯାଇଛି । ମହାମାରୀ କରୋନା କରାଣରୁ ବିଭିନ୍ନ ପରୀକ୍ଷା ବାତିଲ ହୋଇଯାଇଥିବା ବେଳେ ଏବେ ସରକାର ଛାତ୍ରଛାତ୍ରୀଙ୍କର ଶିକ୍ଷାକୁ ସୁଧାରିବା ସହ ବାତିଲ ହୋଇ ଯାଇଥିବା ବିଭିନ୍ନ ପରୀକ୍ଷା କରିବା ପାଇଁ ନିଷ୍ପତ୍ତି ଗ୍ରହଣ କରିଛନ୍ତି ।ଧୀରେ ଦୀରେ ବିଭିନ୍ନ ପରୀକ୍ଷା କରାଯିବା ସହ କୋଭିଡ ଗାଇଡ ଲାଇନକୁ ମାନି ଯେପରି ସୁରକ୍ଷା ମିଳି ପାରିବ ସେଥିପାଇଁ ବିଭିନ୍ନ ଦୃଷ୍ଟାନ୍ତମୂଳକ ପଦକ୍ଷେପମାନ ଗ୍ରହଣ କରାଯାଉଛି ।
ରାଜ୍ୟରେ ଦିନକୁ ଦିନ କରୋନା ଆକ୍ରାନ୍ତଙ୍କ ସଂଖ୍ୟା ବଢିବା ସହ ଖୋର୍ଦ୍ଧା ଜିଲ୍ଲାର ସ୍ଥିତି ଗମ୍ଭୀର ରହିଛି । ଏହିଭଳି ସ୍ଥିତିରେ ଯେପରି ଛାତ୍ରଛାତ୍ରୀମାନେ ସୁରକ୍ଷିତ ଭାବେ ପରୀକ୍ଷା ହଲକୁ ଆସି ପରୀକ୍ଷା ଦେବା ସହ ସୁରକ୍ଷିତ ରହିବେ ସେଥିପାଇଁ ସରକାରଙ୍କ ପକ୍ଷରୁ ବିଭିନ୍ନ ପଦକ୍ଷେପ ଗ୍ରହଣ କରାଯାଇଛି । ଭୁବନେଶ୍ୱରରେ କରୋନାର ସ୍ଥିତିକୁ ଦେଖବ ବିଏମସି ପକ୍ଷରୁ ସ୍ୱତନ୍ତ୍ର ବ୍ୟବସ୍ଥା ଗ୍ରହଣ କରାଯାଇଛି ।
ବିଏମସି କମିଶନର ପ୍ରେମଚନ୍ଦ୍ର ଚୌଧୁରୀ ସୂଚନା ଦେଇଛନ୍ତି କି, ସବୁ ପରୀକ୍ଷା କେନ୍ଦ୍ର ବାହାରେ ଭିଡ ନିୟନ୍ତ୍ରଣ ପାଇଁ ବ୍ୟବସ୍ଥା କରାଯିବ । ଏହାସହ ପରୀକ୍ଷାର୍ଥୀମାନଙ୍କର ଥର୍ମାଲ ସ୍କାନିଂ ମଧ୍ୟ କରାଯିବ । ସେହିପରି ସବୁ ପରୀକ୍ଷା କେନ୍ଦ୍ରରେ ଡାକ୍ତରୀ ଟିମକୁ ନିୟୋଜିତ କରାଯିବ ବୋଲି ବିଏମସି କମିଶନର ସୂଚନା ଦେଇଛନ୍ତି ।
