କମିବ ସିଲାବସ, ଗାଁକୁ ଗାଁ ଯାଇ ପାଠ ପଢାଇବେ ଶିକ୍ଷକ
ଭୁବନେଶ୍ୱର (ଏଟିଆର ବ୍ୟୁରୋ): କରୋନା ମହାମରୀ ପାଇଁ ଶିକ୍ଷା ବ୍ୟବସ୍ଥା ଥପ ହୋଇଯାଇଥିବା ବେଳେ ଏହାକୁ ସୁଧାରୀବା ପାଇଁ ରାଜ୍ୟ ସରକାରଙ୍କ ରାଜ୍ୟ ସରକାରଙ୍କ ପକ୍ଷରୁ ବିଭିନ୍ନ ପଦକ୍ଷେପଗ୍ରହଣ କରୁଛନ୍ତି । ତେବେ କରୋନାର ସ୍ଥିତି ରାଜ୍ୟରେ ଗମ୍ଭୀର ଥିବା ବେଳେ ଏଭଳି ପରିସ୍ଥିତିରେ ଛାତ୍ରଛାତ୍ରୀମାନେ ସ୍କୁଲ ଆସି ପାଠ ପଢିବା ନିରାପଦ ନଥିବାରୁ ଏବେ କୌଣସି ବି ସ୍କୁଲ ଖୋଲାବା ସମ୍ଭବ ନୁହେଁ ବୋଲି ସ୍କୁଲ ଓ ଗଣଶିକ୍ଷାମନ୍ତ୍ରୀ ମନ୍ତ୍ରୀ ସମୀର ଦାଶ । ଆଜି ସ୍ୱାଧୀନତା ଦିବସ ଅବସରରେ ଯାଜପୁର ଜିଲ୍ଲା ପ୍ୟାରେଡରେ ଯୋଗ ଦେଇ ମନ୍ତ୍ରୀ ସମୀର ଦାଶ ଏହା କହିଛନ୍ତି । ମନ୍ତ୍ରୀ କହିଛନ୍ତି, ସରକାର ଶିକ୍ଷା ବ୍ୟବସ୍ଥାକୁ ସୁଧାରିବା ପାଇଁ ନୂଆ ଯୋଜନା ଆଣିବାକୁ ଯାଉଛନ୍ତି । ତେବେ ନୂଆ ଯୋଜନାର ନାଁ ରହିବ ‘ଶିକ୍ଷା ସଂପର୍କ ଯୋଜନା’ । ଏହି ଯୋଜନା ହେବା ଫଲରେ ରାଜ୍ୟର ୬୦ଲକ୍ଷ ଶିଶୁ ଇ-ଶିକ୍ଷା ଉପରେ ନିର୍ଭର କରିବେ । ଏବେ ୨୨ ଲକ୍ଷ ଶିଶୁ ଇଣ୍ଟେରନେଟ ମାଧ୍ୟମରେ ପଢୁଛନ୍ତି । ନୂଆ ଯୋଜନାରେ ଶିକ୍ଷକ ଗାଁକୁ ଗାଁ ଯାଇ ପାଠ ପଢାଇବେ । ତେବେ ତଳିତ ବର୍ଷ ସିଲାବସ କମାଇବାକୁ ବ୍ୟବସ୍ଥା କରାଯାଉଥିବା ବେଳେ ଆସନ୍ତା ସପ୍ତାହ ସୁଦ୍ଧା ଚୂଡାନ୍ତ ସିଲାବସ ପ୍ରଦାନ କରାଯିବ ବୋଲି ମନ୍ତ୍ରୀ ସମୀର ଦାଶ କହିଛନ୍ତି ।
