ଭୁବନେଶ୍ୱର (ଏଟିଆର ବ୍ୟୁରୋ): ୟୁଜି ଓ ପିଜି ପ୍ରଥମ ବର୍ଷ ପାଠପଢା ଆଜିଠୁ ଆରମ୍ଭ । ନଭେମ୍ବର ୧ ରୁ ୟୁଜି ପ୍ରଥମ ବର୍ଷ ପାଠପଢା ଆରମ୍ଭ ହେଉଥିବା ବେଳେ ପିଜି ପ୍ରଥମ ବର୍ଷ ପାଠପଢା ନଭେମ୍ବର ୧୫ରୁ ଆରମ୍ଭ ହେବ । ଏନେଇ ରାଜ୍ୟର ସମସ୍ତ କଲେଜ ଅଧ୍ୟକ୍ଷ ଓ ବିଶ୍ୱବିଦ୍ୟାଳୟ କୁଳପତିଙ୍କୁ ଚିଠି ଲେଖିଛନ୍ତି ଉଚ୍ଚଶିକ୍ଷା ସଚିବ ।
ରାଜ୍ୟରେ କରୋନା ସଂକ୍ରମଣ ବୃଦ୍ଧିକୁ ଦୃଷ୍ଟିରେ ରଖି ସମସ୍ତ ଶିକ୍ଷାନୁଷ୍ଠାନ ବନ୍ଦ ରଖାଯାଇଥିଲା । ହେଲେ ଏବେ ରାଜ୍ୟରେ ସଂକ୍ରମଣ ଧୀରେ ଧୀରେ ହ୍ରାସ ପାଇବା ପରେ ଶିକ୍ଷାନୁଷ୍ଠାନ ଗୁଡିକ ଧୀରେ ଧୀରେ ଖୋଲିବା ଆରମ୍ଭ କରିଛି । କିନ୍ତୁ କରୋନା ଗାଇଡଲାଇନ ଅନୁଯାୟୀ ହେବ ପାଠପଢା ।
