ମୁମ୍ବାଇ (ଏଟିଆର ବ୍ୟୁରୋ): ବଲିଉଡ୍ ଅଭିନେତା ଟାଇଗର ଶ୍ରଫ୍ ଙ୍କ ଆଗାମୀ ଫିଲ୍ମ ‘ବାଗୀ ୩’ ର ପ୍ରଥମ ଝଲକ ଦେଖିବାକୁ ମିଳିଛି । ଏଥିରେ ଟାଇଗରଙ୍କ ଷ୍ଟନିଙ୍ଗ୍ ଲୁକ୍ ଦେଖିବାକୁ ମିଳିଛି । ଏହା ପୂର୍ବରୁ ଟାଇଗରଙ୍କ ‘ବାଗୀ’ ଏବଂ ‘ବାଗୀ ୨’ ପରଦାରେ ଖୁବ୍ ହିଟ୍ ସାବ୍ୟସ୍ତ ହୋଇଥିଲା ।
ଲମ୍ବା ବ୍ରେକ୍ ପରେ ଟାଇଗର୍ ‘ବାଗୀ ୩’ ପାଇଁ ଅତ୍ୟନ୍ତ ପରିଶ୍ରମ କରୁଥିବାର ନଜର ଆସିଛନ୍ତି । ଫିଲ୍ମର ପୋଷ୍ଟରକୁ ଟାଇଗର ତାଙ୍କ ଇଂଷ୍ଟାଗ୍ରାମ ଆକାଉଣ୍ଟରେ ସେୟାର କରିବା ସହିତ ରିଲିଜ୍ ଡେଟ୍ ମଧ୍ୟ ଘୋଷଣା କରିଛନ୍ତି । ପୋଷ୍ଟରଟି ସେୟାର କରି ସେ ଲେଖିଛନ୍ତି କି, ‘ରାଉଣ୍ଡ ୩ ଆରମ୍ଭ ହୋଇଯାଇଛି! ମାର୍ଚ୍ଚ ୬, ୨୦୨୦ ରେ ରିଲିଜ୍ ହେବ’ ।
ଅହମଦ ଖାନ୍ ଏହି ଫିଲ୍ମର ନିର୍ଦ୍ଦେଶନା ଦେଉଥିବା ବେଳେ ପ୍ରେଯୋଜନା ଦାୟିତ୍ୱରେ ଅଛନ୍ତି ସାଜିଦ୍ ନାଡିୟାଡୱାଲା ।
୨୦୧୮ ମସିହାରେ ସବୁଠାରୁ ଅଧିକ ଆୟ କରିଥିବା ଫିଲ୍ମ ମଧ୍ୟରେ ‘ବାଗୀ ୨’ ସାମିଲ ଥିଲା । ‘ବାଗୀ ୩’ର ପ୍ରଶିକ୍ଷଣରେ ଏମ୍ ୧୬, ଏଟି ୪ ଏବଂ ରକେଟ୍ ଲଞ୍ଚର ଭଳି ଅସ୍ତ୍ରଶସ୍ତ୍ରମାନ ସାମିଲ ଅଛି । ମାତ୍ର ଏପର୍ଯ୍ୟନ୍ତ ‘ବାଗୀ ୩’ ରେ ଟାଇଗରଙ୍କ ବିପରୀତରେ କେଉଁ ହିରୋଇନ୍ ନଜର ଆସିବେ ସେନେଇ କୌଣସି ସୂଚନା ମିଳିନାହିଁ ।
