ନୂଆଦିଲ୍ଲୀ (ଏଟିଆର ବ୍ୟୁରୋ): ନବବର୍ଷରେ କାଦର ଖାଁଙ୍କ ମୃତ୍ୟୁ ଖବର ବଲିଉଡ ଇଣ୍ଡଷ୍ଟ୍ରି ପାଇଁ ବଡ ଦୁଃଖଦ ଖବର ଥିଲା । ଦୀର୍ଘଦିନ ହେବ ରୋଗରେ ପିଡୀତ ହୋଇ କାନାଡାର ଏକ ହସ୍ପିଟାଲରେ ୮୧ ବର୍ଷ ବୟସରେ ତାଙ୍କର ମୃତ୍ୟୁ ହୋଇଥିଲା । ବୁଧବାର ଦିନ କାନାଡାରେ ତାଙ୍କର ଅନ୍ତିମ ସଂସ୍କାର କାର୍ଯ୍ୟ ସମ୍ପନ୍ନ ହୋଇଛି । ଏହି ସମୟରେ କାଦର ଖାଁଙ୍କ ତିନି ପୁଅ ଏବଂ ବୋହୂଙ୍କ ସମେତ ବହୁଳ ମାତ୍ରାରେ ଆଫଗାନ୍ ସମ୍ପ୍ରଦାୟର ଲୋକ ଉପସ୍ଥିତ ଥିଲେ ।
କାଦର ଖାଁ ତାଙ୍କ ପୁଅ ଏବଂ ବୋହୂ ସହ ମିଶି କାନାଡାରେ ରହୁଥିଲେ । ମୃତ୍ୟୁ ପରେ ତାଙ୍କ ଅନ୍ତିମ ସଂସ୍କାର କାନାଡାରେ ହିଁ କରାଯାଇଛି । ଏହି ଘଟଣାରେ କାଦର ଖାଁଙ୍କ ଫ୍ୟାନ୍ସଙ୍କ ବ୍ୟତିତ ବଲିଉଡ ଇଣ୍ଡଷ୍ଟ୍ରିରେ ଶୋକର ଛାୟା ଖେଳି ଯାଇଛି । ଏହାସହିତ ଅନେକ କଳାକାର ଟ୍ୱିଟ୍ କରି ଦୁଃଖ ପ୍ରକାଶ କରିଛନ୍ତି ।
