ନୂଆଦିଲ୍ଲୀ (ଏଟିଆର ବ୍ୟୁରୋ): ଚର୍ଚ୍ଚାରେ ବାହୁବଳି ନିର୍ଦ୍ଦେଶକ ଏସଏସ ରାଜମୌଲିଙ୍କ ଅପକମିଂ ଫିଲ୍ମ ‘ଆରଆରଆର’ । କିଛିଦିନ ପୂର୍ବରୁ ଫିଲ୍ମର ଲିଡ ଷ୍ଟାରଙ୍କ ଫାଷ୍ଟ ଲୁକ୍ ଜାରି କରାଯାଇଥିଲା । ଏବେ ଆଜି ପୁଣି ଅଜୟ ଦେବଗନଙ୍କ ଜନ୍ମଦିନରେ ତାଙ୍କର ଫାଷ୍ଟ ଲୁକ୍ ଜାରି କରାଯାଇଛି ।
ରାଜାମୌଲି ତାଙ୍କ ଇଂଷ୍ଟାଗ୍ରାମରେ ଫିଲ୍ମର ଏକ ମୋଶନ ପୋଷ୍ଟର ଜାରି କରିଛନ୍ତି । ଏହି ପୋଷ୍ଟରରେ ଅଜୟ ଦେବଗନ ମଝିରେ ଛିଡା ହୋଇଛନ୍ତି ଏବଂ ତାଙ୍କ ଚାରିପାଖରେ ଅନେକ ଲୋକ ତାଙ୍କୁ ବନ୍ଧୁକ ଦେଖାଇ ଛିଡା ହୋଇଥିବାର ନଜର ଆସୁଛନ୍ତି । ଏଥିରେ ଅଜୟଙ୍କ ସ୍ୱର ଶୁଣା ଯାଉଛି । ଯେଉଁଥିରେ ସେ ବାରମ୍ବାର କହୁଛନ୍ତି ଲୋଡ ଏମ୍ ସୁଟ୍ । ଏହାପରେ ସେ ତାଙ୍କ ଉପରୁ କପଡା ହଟାଇ ସମସ୍ତଙ୍କୁ ସାମ୍ନାକୁ ଆସୁଛନ୍ତି ।
ସୂଚନାଯୋଗ୍ୟ; ନିକଟରେ ରାମଚରଣଙ୍କ ଜନ୍ମଦିନ ଅବସରରେ ତାଙ୍କ ଚରିତ୍ର ଅଲ୍ଲୁରୀ ସୀତା ରାମରାଜୁକୁ ରିଭିଲ କରାଯାଇଥିଲା । ଏହାପୂର୍ବରୁ ଆଲିଆ ଭଟ୍ଟଙ୍କ ଜନ୍ମଦିନରେ ତାଙ୍କ ଚରିତ୍ର ସୀତାଙ୍କୁ ଦର୍ଶକଙ୍କ ସହ ଇଣ୍ଟ୍ରଡ୍ୟୁସ କରାଯାଇଥିଲା । ଏବେ ପୁଣି ଅଜୟ ଦେବଗନଙ୍କ ଜନ୍ମଦିନରେ ତାଙ୍କର ଫାଷ୍ଟ ଲୁକ୍ ଜାରି କରାଯାଇଛି ।
