ମୁମ୍ବାଇ (ଏଟିଆର ବ୍ୟୁରୋ): ବଲିଉଡର ଚୁଲବୁଲି ଅଭିନେତ୍ରୀ କାଜୋଲଙ୍କର ଆଜି ଜନ୍ମଦିନ । ୪୮ ବର୍ଷରେ ପାଦ ଥାପିଛନ୍ତି କାଜୋଲ । ସେ ବଲିଉଡରେ ଅନେକ ହିଟ୍ ଫିଲ୍ମ ଭେଟି ଦେଇଛନ୍ତି । ଏହାବ୍ୟତିତ ସେ ଜଣେ ଭଲ ପତ୍ନୀ ଏବଂ ମା ମଧ୍ୟ । କାଜୋଲ ଏବଂ ଅଜୟ ଦେବଗନ ବଲିଉଡର ବେଶ ଜଣାଶୁଣା ଯୋଡୀ । ପତ୍ନୀ କାଜୋଲଙ୍କ ଜନ୍ମଦିନ ଅବସରରେ ପତୀ ଅଜୟ ଦେବଗନ ତାଙ୍କୁ ନିଆରା ଢଙ୍ଗରେ ଶୁଭେଚ୍ଛା ଜଣାଇଛନ୍ତି ।
ରାତି ୧୨ଟାରେ ଅଜୟ ଦେବଗନ ତାଙ୍କ ଇଂଷ୍ଟାଗ୍ରାମରେ ଏକ ଭିଡିଓ ସେୟାର କରିଛନ୍ତି । ଯେଉଁଥିରେ କାଜୋଲଙ୍କ ଫଟୋ ରହିଛି । ଭିଡିଓର ଆରମ୍ଭ ଏକ ଫୋନ କଲରୁ ହେଉଛି । ମୋବାଇଲରେ କାଜୋଲଙ୍କର ଫୋନ ଆସୁଛି ଏବଂ ଅଚାନକ କାଜୋଲଙ୍କ ଅନେକ ଫଟୋ ଦେଖିବାକୁ ମିଳୁଛି । ଏହି ଫଟୋରେ କଜୋଲ ଲାଲ ରଙ୍ଗର ଥାଇ-ହାଇ ସ୍ଲିଟ ଡ୍ରେସରେ ଖୁବ୍ ସୁନ୍ଦର ଦିଶୁଛନ୍ତି ।
ଅଜୟ ତାଙ୍କ ଇଂଷ୍ଟାରେ ଏହି ଭିଡିଓ ସେୟାର କରିବା ସହିତ ଏକ ସୁନ୍ଦର କ୍ୟାପ୍ସନ ମଧ୍ୟ ଦେଇଛନ୍ତି ।
