ମୁମ୍ବାଇ (ଏଟିଆର ବ୍ୟୁରୋ): ଅଭିନେତ୍ରୀ ଅନୁଷ୍କା ଶର୍ମା ଏବଂ ବିରାଟ କୋହଲି କାର୍ଯ୍ୟ ବ୍ୟସ୍ତରେ ରହୁଥିବା ଯୋଗୁଁ ଦୁହେଁ ଦୁହିଁଙ୍କ ସହ ଭଲ ସମୟ ବିତାଇ ପାରୁ ନାହାଁନ୍ତି । କିନ୍ତୁ ଏବେ ଦୁହେଁ ନିଜ କାର୍ଯ୍ୟରୁ ବିରତୀ ଆଣି ମସ୍ତି କରୁଥିବାର କିଛି ଫଟୋ ସାମ୍ନାକୁ ଆସିଛି ।
ଅନୁଷ୍କା ଏବଂ ବିରାଟ ଦୁହେଁ ତାଙ୍କ ଇଂଷ୍ଟାଗ୍ରାମ ଆକାଉଣ୍ଟରେ ଏକ ଫଟୋ ସେୟାର କରିଛନ୍ତି , ଯେଉଁଥିରେ ଦୁହେଁ ଏକ ଛୋଟ କ୍ୟୁଟ ପପି ସହିତ ଖେଳୁଥିବାର ନଜର ଆସୁଛନ୍ତି । ଏହା ପୂର୍ବରୁ ବିରାଟ ସିଧାସଳଖ ଜିମ୍ ରୁ ଭିଡିଓ ସେୟାର କରିଥିଲେ । ଯେଉଁଥିରେ ଅନୁଷ୍କା ମଧ୍ୟ କାର୍ଡିଓ କରୁଥିବାର ନଜର ଆସିଥିଲେ ।
ବିିବାହ ପରେ ଦୁହେଁ ଦୁହିଁଙ୍କ ସହିତ ବହୁତ କମ୍ ସମୟ ବିତାଇଛନ୍ତି । କାରଣ ଅନୁଷ୍କା ତାଙ୍କ ସୁଟିଂ ପାଇଁ ବ୍ୟସ୍ତ ରହୁଥିବା ବେଳେ ବିରାଟ କ୍ରିକେଟରେ । ଦୁହେଁ ଗତ ବର୍ଷ ଡିସେମ୍ବର ୧୧ରେ ଇଟାଲିରେ ବିବାହ କରିଥିଲେ । ବିବାହ ପରେ ଅନୁଷ୍କା, ବିରାଟଙ୍କ ସହ ସାଉଥ ଆଫ୍ରିକା ଯାଇଥିଲେ । ତାପରେ ନ୍ୟୁୟର୍କରେ ଫିଲ୍ମ ଜିରୋ ସୁଟିଂ କରି ମୁମ୍ବାଇ ଫେରି ଆସିଥିଲେ ।
