ମୁମ୍ବାଇ (ଏଟିଆର ବ୍ୟୁରୋ): ରାଜନୀତି ମୁହାଁ ହୋଇଛନ୍ତି ବିଗ୍ ବସ ୧୧ ରେ ସବୁଠାରୁ ଚର୍ଚ୍ଚାରେ ରହୁଥିବା ଆର୍ଶି ଖାନ୍ । ବିଗ୍ ବସ୍ ହାଉସରେ ରାଜନୀତି କରିବା ପରେ ଏବେ ରିଅଲ ରାଜନୀତିରେ ପାଦ ଥାପିଛନ୍ତି ଆର୍ଶି । ସେ ଏବେ କଂଗ୍ରେସ ଦଳରେ ସାମିଲ ହୋଇଥିବାର ସୂଚନା ମିଳିଛି । ଆଜ୍ଞା ହଁ ରାଜନୀତି ରେ ପାଦ ଥାପିବା କ୍ଷଣେ ହିଁ ତାଙ୍କୁ ଏକ ବଡ ଦାୟିତ୍ୱ ମଧ୍ୟ ଦିଆଯାଇଛି ।
କଂଗ୍ରେସ ଦଳ ପକ୍ଷରୁ ଆର୍ଶି ଖାନ୍ ଙ୍କୁ ମୁମ୍ବାଇ ପ୍ରଦେଶ ମାଇନରିଟି ୱେଲଫେୟାର କମିଟର ଉପସଭାପତି ଦାୟିତ୍ୱ ଦିଆଯାଇଛି । କଂଗ୍ରେସରେ ସାମିଲ ହେବାକୁ ନେଇ ଆର୍ଶି କହିଛନ୍ତି କି, ‘ହଁ ମୁଁ କଂଗ୍ରେସ ଦଳରେ ଯୋଗ ସାମିଲ ହେଉଛି । ମୁଁ ମହାରାଷ୍ଟ୍ର କଂଗ୍ରେସର ଉପାଧ୍ୟକ୍ଷ ଭାବେ ପାର୍ଟିରେ ଯୋଗ ଦେବି । ଦଳ ପକ୍ଷର ଏହି ପଦ ଦିଆଯାଇଥିବାରୁ ମୁଁ ରାଜି ହୋଇଛି ।’
କଂଗ୍ରେସ ଦଳରେ ସାମିଲ ହେବାକୁ ନେଇ ଆର୍ଶି ତାଙ୍କ ଇଂଷ୍ଟାଗ୍ରାମ ଆକାଉଣ୍ଟରେ ଘୋଷଣା କରିଥିଲେ । କଂଗେସରେ ସାମିଳ ହେବା କିଛି ଫଟୋ ସେ ପୋଷ୍ଟ କରିବା ସହ କ୍ୟାପସନ୍ ଦେଇଥିଲେ ‘ଆର୍ଶି ଖାନ୍ , ଖେଲ୍ ଗଈ..’ ।
