ଚେନ୍ନାଇ (ଏଟିଆର ବ୍ୟୁରୋ ) ; ପରଦାକୁ ଆସିଲା ବହୁ ପ୍ରତୀକ୍ଷିତ ତଥା ବ୍ୟୟବହୁଳ ଚଳଚ୍ଚିତ୍ର 2.0 (ଟୁ ପଏଣ୍ଟ ଜିରୋ ) । ଆଜି ଭାରତ ସମେତ ପୁରା ବିଶ୍ୱର ମୋଟ ୧୦ ହଜାର ସିନେମା ହଲରେ ଏହି ଫିଲ୍ମକୁ ରିଲିଜ କରାଯାଇଛି । ତାମିଲ ତଥା ତେଲୁଗୁ ସୁପରଷ୍ଟାର ରଜନୀକାନ୍ତ ଓ ବଲିଉଡର ଖିଲାଡୀ ବଏ ଅକ୍ଷୟ କୁମାରଙ୍କ ଦ୍ୱାରା ଅଭିନୀତ ଏହି ଫିଲ୍ମକୁ ଦର୍ଶକ ମାନେ ଚାତକ ପରି ଚାହିଁ ରହିଥିବା ବେଳେ ଆଜି ଚେନ୍ନାଇ ସମେତ ପୂରା ବିଶ୍ୱର ଅନେକ ଦେଶରେ ଏହି ଫିଲ୍ମକୁ ରିଲିଜ କରାଯାଇଛି । ତେବେ ଦର୍ଶକଙ୍କ ଅପେକ୍ଷାର ଅନ୍ତ ଘଟିଛି । ଶେଷରେ ବଡ ପରଦା ନିଜ ପ୍ରିୟ ସୁପରଷ୍ଟାରଙ୍କ ଅନ୍ଦାଜ ଦେଖିବାକୁ ଦର୍ଶକ ନିଜକୁ ପ୍ରସ୍ତୁତ କରି ରଖିସାରିଲେଣି ।
ସେପଟେ 2.0 ଫିଲ୍ମ ବିଶ୍ୱର ୧୦ ହଜାର ହଲରେ ରିଲିଜ ହୋଇଛି ଯାହା ସବୁଠାରୁ ଅଧିକ ହଲରେ ରିଲିଜ ହେଇଥିବା ଫିଲ୍ମ ମଧ୍ୟରେ ଏକ ନମ୍ବରରେ ରହିଛି । ପୂର୍ବରୁ ବାହୁବଳୀ ଭାରତ ସମେତ ବିଶ୍ୱର ମୋଟ ୯୦୦୦ ଟି ସିନେମା ଘରରେ ରିଲିଜ ହୋଇଥିଲା । ତେବେ ରୋବୋଟର ସିକ୍ୱେଲ 2.0 ଏହାଠାରୁ ୧୦୦୦ଟି ଅଧିକ ସିନେମା ହଲରେ ରିଲିଜ ହୋଇପାରିଛି । ଅନ୍ୟପଟେ ଏହି ଫିଲ୍ମରେ ଭରିରହିଛି ଜବରଦସ୍ତ ଆକ୍ସନ ସମେତ ଫାଇଟସ , ରୋମାନ୍ସ ଓ ଚମତ୍କାର ଡାଇଲଗ । ଆକ୍ସନ ମୁଡରେ ରଜନୀକାନ୍ତ ପୂର୍ବ ଫିଲ୍ମର ଚିଟି ଭୁମିକାରେ ବି ନଜରରେ ଆସିବେ ।
୨୦୧୦ରେ ରିଲିଜ ହୋଇଥିବା ଫିଲ୍ମ ରୋବୋଟ ଫିଲ୍ମର ଏହା ସିକ୍ୱେଲ । ଏଥିରେ ଭିଲିଆନ ରୂପରେ ବଲିଉଡର ଖିଲାଡୀ କୁମାର ନଜରରେ ଆସିବେ । ଏହି ଫିଲ୍ମରେ ଅକ୍ଷୟଙ୍କ ଷ୍ଟାଇଲ ଓ ଫାଇଟ ସିନ ଗୁଡିକ ବେଶ ଚମତ୍କାର ହୋଇଛି । କିଛି ନୂଆ ମେକଅପ ଓ ଲୁକରେ ଅକ୍ଷୟଙ୍କୁ ଦେଖିବାକୁ ପାଇବେ ଦର୍ଶକ । ଏହି ଫିଲ୍ମ ତାମିଲ , ତେଲୁଗୁ ସମେତ ହିନ୍ଦୀ ଓ ଇଂରାଜୀରେ ରିଲିଜ ହୋଇଛି । ତେବେ ପ୍ରଥମ ଥର ଲାଗି ରଜନୀକାନ୍ତ ଓ ଅକ୍ଷୟକୁମାରଙ୍କୁ ଗୋଟିଏ ସ୍କ୍ରିନରେ ଦେଖିବାକୁ ମିଳୁଥିବା ବେଳେ ଦର୍ଶକ ସେମାନଙ୍କ ଅଭିନୀତ ଫିଲ୍ମ ଦେଖିବା ସୁଯୋଗକୁ ହାତଛଡା କରିବେନି ବୋଲି ଆଶାକରାଯାଉଛି ।
