ମୁମ୍ବାଇ (ଏଟିଆର ବ୍ୟୁରୋ): ନିର୍ବାଚନକୁ ଦୃଷ୍ଟିରେ ରଖି କିଛି ଦିନ ହେବ ବଲିଉଡରେ ରାଜନେତାଙ୍କ ଉପରେ ଅଧାରିତ ଫିଲ୍ମ ଦେଖିବାକୁ ମିଳିଛି । ବର୍ଷ ୨୦୧୯ ରେ ଏପର୍ଯ୍ୟନ୍ତ ରାଜନୀତି ଉପରେ ଚାରୋଟି ଫିଲ୍ମ ରିଲିଜ୍ ହୋଇ ସାରିଲାଣି । ଏହାସହିତ ରାଜନୀତିକୁ ନେଇ ଆହୁରୀ ବି ଅନେକ ଫିଲ୍ମ ନିର୍ମାଣ ହେବାକୁ ଯାଉଛି । ପ୍ରଥମେ ‘ଦି ଆକ୍ସିଡେଣ୍ଟାଲ ପ୍ରାଇମିନିଷ୍ଟର’, ‘ଠାକରେ’ ର ବାୟୋପିକ ପରେ ଏବେ ‘ପିଏମ ନରେନ୍ଦ୍ର ମୋଦି’ ବି ରିଲିଜ୍ ଅପେକ୍ଷାରେ ରହିଛି । ଏହାବ୍ୟତିତ ଇତିହାସରେ ବିବାଦରେ ରହିଥିବା ପୂର୍ବତନ ପ୍ରଧାନମନ୍ତ୍ରୀ ଲାଲ ବାହାଦୂର ଶାସ୍ତ୍ରୀଙ୍କ ମୃତ୍ୟୁର କାରଣ ବି ଏବେ ଫିଲ୍ମରେ ଦର୍ଶାଯିବ । ଏବେ ଲାଲ୍ ବାହାଦୂର ଶାସ୍ତ୍ରୀଙ୍କ ମୃତ୍ୟୁ ରାଜ୍ ହୋଇ ରହିଛି । ତାଙ୍କ ମୃତ୍ୟୁ ପଛର କୌଣସି ଠୋସ୍ ପ୍ରମାଣ କାହାରି ପାଖରେ ନାହିଁ ।
ଶାସ୍ତ୍ରୀଙ୍କ ମୃତ୍ୟୁ ପଛର କାରଣକୁ ନେଇ ଏବେ ‘ଦି ତାସକେଣ୍ଟ ଫାଇଲ’ ଫିଲ୍ମ ନିର୍ମାଣ ହେଉଛି । ଏହି ଫିଲ୍ମର ପ୍ରଥମ ପୋଷ୍ଟର ନିକଟରେ ରିଲିଜ୍ ହୋଇଛି । ଏଥିରେ ବଲିଉଡର ଡିସ୍କୋ କିଙ୍ଗ ମିଥୁନ ଚକ୍ରବର୍ତ୍ତିଙ୍କୁ ଦେଖିବାକୁ ମିଳିଛି । ଫିଲ୍ମଟି ଅପ୍ରିଲ ୧୨ ରେ ପ୍ରେକ୍ଷାଳୟରେ ମୁକ୍ତିଲାଭ କରିବ । ଏଥିରେ ମିଥୁନଙ୍କ ବ୍ୟତିତ ନସିରୁଧୀନ୍ ଶାହା, ସ୍ୱେତା ବାସୁ ପ୍ରସାଦ, ପଙ୍କଜ ତ୍ରିପାଠୀ, ବିନୟ ପାଠକ, ମନ୍ଦିରା ବେଦୀ, ପଲ୍ଲବୀ ଜୋଶୀ ଏବଂ ଅଙ୍କୁର ରାଠୀ ଭଳି ଦମଦାର୍ କଳାକାର ନଜର ଆସିବେ । ଫିଲ୍ମର ନିର୍ଦ୍ଦେଶନା ଦାୟିତ୍ୱରେ ବିବେକ ରଞ୍ଜନ ଅଗ୍ନିହୋତ୍ରୀ ରହିଛନ୍ତି ।
