ନୂଆଦିଲ୍ଲୀ (ଏଟିଆର ବ୍ୟୁରୋ): ଅପକମିଂ ଫିଲ୍ମ ‘ଓଃ ମାଇଁ ଗଡ୍ ୨’ କୁ ନେଇ ଚର୍ଚ୍ଚାରେ ଅକ୍ଷୟ କୁମାର । ଫିଲ୍ମର ଟ୍ରେଲର ରିଲିଜ୍ ହୋଇସାରିଥିବା ବେଳେ ୧୧ ଅଗଷ୍ଟରେ ଫିଲ୍ମଟି ରିଲିଜ୍ ହେବ । ଲଗାତାର ଭାବେ ଫିଲ୍ମ ଗୀତ ଗୁଡିକ ମଧ୍ୟ ରିଲିଜ୍ ହେଉଛି । ସେହିପରି ଗୁରୁବାର ଫିଲ୍ମର ଆଉ ଏକ ଗୀତ ‘ହର ହର ମହାଦେବ ’ ରିଲିଜ୍ ହୋଇଛି । ଗୀତରେ ଅକ୍ଷୟ କୁମାର ଶିବ ତାଣ୍ଡବ କରୁଥିବାର ନଜର ଆସୁଛନ୍ତି । ଏହାସହିତ ଅନ୍ୟ କଳାକାର ମାନେ ଏଥିରେ ଶିବ ଭକ୍ତିରେ ଲୀନ ଥିବା ଦେଖିବାକୁ ମିଳିଛି ।
ଗୀତଟିକୁ ବିକ୍ରମ ମନଟ୍ରୋସ କମ୍ପୋଜ କରିଥିବା ବେଳେ ଲିରିକ୍ସ ଲେଖିଛନ୍ତି ଶେଖର ଅସ୍ତିତ୍ୱ । ଗୀତଟି ରିଲିଜ୍ ହେବା ମାତ୍ରେ ହିଁ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି ।
