ମୁମ୍ବାଇ (ଏଟିଆର ବ୍ୟୁରୋ ) ; “ ତନୁଶ୍ରୀ ଦତ୍ତ ଜଣେ ପୁରୁଷ ଓ ସେ ମୋ ସହ ବାରମ୍ବାର ଦୁଷ୍କର୍ମ କରିଛନ୍ତି ” । ଏପରି ଗମ୍ଭୀର ଅଭିଯୋଗ ଆଣିଛନ୍ତି ବଲିଉଡ ଅଭିନେତ୍ରୀ ରାକ୍ଷୀ ସାୱନ୍ତ । “ତନୁଶ୍ରୀ ଭିତରୁ ଜଣେ ପୁଅ ଅଟନ୍ତି ଓ ସେ ମୋତେ ୧୨ ବର୍ଷ ପୂର୍ବେ ଥରେ ନୁହେଁ ବରଂ ବହୁବାର ଦୁଷ୍କର୍ମ କରିଥିଲେ” । ଏପରି କହିଛନ୍ତି ବଲିଉଡରେ ସବୁଠୁ ବେଶୀ ବିବାଦୀୟ ବୟାନ ଦେଉଥିବା ତଥା ବିଭିନ୍ନ ମନ୍ତବ୍ୟକୁ ନେଇ ବିବାଦ ଘେରରେ ରହୁଥିବା ରାକ୍ଷୀସାୱନ୍ତ । ଏକ ସାମ୍ବାଦିକ ସମ୍ବିଳନୀ ଡକାଇ ତନୁଶ୍ରୀଙ୍କ ବିରୋଧରେ ଅଭିଯୋଗ ଆଣିଛନ୍ତି ରାକ୍ଷୀ ।
ଖାଲି ସେତିକି ନୁହେଁ ତନୁଶ୍ରୀ ଜଣେ ଲେସବିଆନ ବୋଲି ରାକ୍ଷୀ କହିଛନ୍ତି । ବାହାରୁ ତନୁଶ୍ରୀ ଜଣେ ମହିଳାଙ୍କ ପରି ଦେଖାଯାଉଥିଲେ ବି ସେ ଭିତରୁ ପୂରାପୁରି ପୁରୁଷ ବୋଲି ସେ ଏଭଳି ସାଙ୍ଘାତିକ ଅଭିଯୋଗ କରିଛନ୍ତି । ଦୀର୍ଘ ଦିନ ହେବ ସେ ଚୁପ ଥିଲେ କିନ୍ତୁ ଏବେ ଆଉ ପାଟି ବନ୍ଦ କରିବେନି ବୋଲି ସେ ଗଣମାଧ୍ୟମ ଆଗରେ କହିଛନ୍ତି । ସେ ଆହୁରୀ ମଧ୍ୟ କହିଛନ୍ତି କି ମୋ ସହ ଏପରି କୁତ୍ସିତ ଘଟଣା ଘଟିଥିଲେ ବି ଏଭଳି କଥା କହିବାକୁ ମୋତେ ଲାଜ ଓ ଦୁଃଖ ଲାଗୁଛି । ତନୁଶ୍ରୀ ମୋ ସହ ବାରମ୍ଭାର ଦୁଷ୍କର୍ମ କରିଛନ୍ତି । ଏହ ସହ ସେ କହିଛନ୍ତି “ମୋ ଆଖିରେ ଏ ଘଟଣାକୁ ନେଇ ଲୁହ ଅଛି , ମୋ ହୃଦୟ କଷ୍ଟ ପାଇଛି । ମୁଁ ଏଯାଏ ଏ ବିଷୟରେ କାହାରିକୁ ଜଣାଇନଥିଲି । #MeToo କୁ ନେଇ ବଲିଉଡକୁ ବଦନାମ କରାଯାଉଛି , ସମସ୍ତେ ବୋହିଯାଉଥିବା ଗଙ୍ଗାରେ ହାତ ସଫା କରୁଛନ୍ତି । ତେବେ ମୁଁ ମୁହଁ ଖୋଲିବାକୁ ବାଧ୍ୟ ହୋଇଛି ।”
ସେପଟେ ରାକ୍ଷୀଙ୍କୁ ଜୀବନରୁ ମାରିଦେବାକୁ ମଧ୍ୟ ଧମକ ଆସୁଛି ବୋଲି ସେ ଅଭିଯୋଗ କରିଛନ୍ତି । ତାଙ୍କ ସହ ହୋଇଥିବା ଅତ୍ୟାଚାର ସମ୍ପର୍କରେ ମୁହଁ ଖୋଲିଲେ ତାଙ୍କୁ ମାରିଦେବେ ବୋଲି ଚେତାବନୀ ଆସିଥିବାର ରାକ୍ଷୀ ଜଣାଇଛନ୍ତି । ଅନ୍ୟପଟେ ସାମ୍ବାଦିକ ସମ୍ବିଳନୀରେ ରାକ୍ଷୀ ସମ୍ପୁର୍ଣ୍ଣ ନିଆରା ଶୌଳୀରେ ଆସିଛନ୍ତି । ଜଣେ ସଂସ୍କାରୀ ଭାରତୀୟ ନାରୀ ବେଶରେ ଏକ ନାଲୀ ଶାଡି ପିନ୍ଦୀ ମିଡିଆ ଆଗରେ ରାକ୍ଷୀ ସବୁ କହିଛନ୍ତି । ତାଙ୍କ ମତରେ #MeToo #MeToo ବହୁତ ହୋଇଗଲା ଏବେ #SheTooର ବେଳ । ତେବେ ଏ ଘଟଣା ନେଇ ମାମଲା ଦାଏର କରିସ।ରିଛନ୍ତି ରାକ୍ଷୀ ସାୱନ୍ତ ।
ସୂଚନା ଯୋଗ୍ୟ ଯେ କିଛି ଦିନପୂର୍ବେ ବଲିଉଡ ଅଭିନେତ୍ରୀ ତନୁଶ୍ରୀ ଦତ୍ତ ଅଭିନେତା ନାନ ପାଟେକରଙ୍କ ବିରୋଧରେ ଯୌନ ଶୋଷଣ ଅଭିଯୋଗ ଆଣିଥିଲେ । ଏହାପରେ ନାନା ପାଟେକରଙ୍କ ସପକ୍ଷରେ ଅଭିନେତ୍ରୀ ରାକ୍ଷୀ ସାୱନ୍ତ ଗଣମାଧ୍ୟମ ସାମନାକୁ ଆସିଥିଲେ ଓ ତନୁଶ୍ରୀଙ୍କ ଅଭିଯୋଗକୁ ମିଥ୍ୟା ବୋଲି କହିଥିଲେ ।
ଏହାପରେ ତନୁଶ୍ରୀ ରାକ୍ଷୀଙ୍କ ବିରୋଧରେ ୧୦ କୋଟି ଟଙ୍କାର ମାନହାନୀ ମକଦମା କରିଥିଲେ । ଯାହା ପରେ ବିବାଦ ବଢିବାରେ ଲାଗିଛି । ଏବେ ତନୁଶ୍ରୀଙ୍କ ଉପରେ ପାଲଟା ଆକ୍ରମଣ କରିଛନ୍ତି ରାକ୍ଷୀ । ୧୨ ବର୍ଷ ପୂର୍ବେ ତନୁଶ୍ରୀ ଓ ରାକ୍ଷୀ ପରସ୍ପର ମଧ୍ୟରେ ଭଲ ସାଙ୍ଗ ଥିଲେ ଓ ତନୁଶ୍ରୀଙ୍କ ଡାକୁଥିବା ପାର୍ଟିଗୁଡିକୁ ରାକ୍ଷୀ ଯାଉଥିଲେ । ତେବେ ସେହି ସମୟରେ ତନୁଶ୍ରୀ ଦତ୍ତ ବାରମ୍ବାର ତାଙ୍କ ସହ ଦୁଷ୍କର୍ମ କରିଥିବା ଅଭିଯୋଗ କରିଛନ୍ତି ରାକ୍ଷୀ ସାୱନ୍ତ ।
