ମୁମ୍ବାଇ(ଏଟିଆର ବ୍ୟୁରୋ):ଆଖିରେ ଇଶାରା ଦେଇ ରାତା ରାତି ହଜାର ହଜାର ଦର୍ଶକଙ୍କ ମନ ଜିଣିଥିବା ଭାଲେଣ୍ଟାଇନ ଗର୍ଲ ପ୍ରିୟା ପ୍ରକାଶଙ୍କୁ ତ ଆପଣ ଜାଣିଥିବେ । ଯେଉଁଥି ପାଇଁ ତାଙ୍କ ନାଁ ଟପ୍ ଅଭିନେତ୍ରୀ ମାନଙ୍କ ତାଲିକାରେ ସାମିଲ୍ କରାଯାଇଛି । ତାଙ୍କର ଏହି ଇଶାରାକୁ ଟକ୍କର ଦେବା ଲାଗି ଆଉ ଜଣେ ଅଭିନେତ୍ରୀ ସାମ୍ନାକୁ ଆସିଛନ୍ତି । ଆଜ୍ଞା ହଁ ସେ ଆଉ କେହି ନୁହଁନ୍ତି ସିରିୟଲ ‘ଭାବିଜି ଘର୍ ପର୍ ହୈ’ର ଅଙ୍ଗୁରୀ ଭାବି ମାନେ ବିଗ୍ ବସ-୧୧ର ବିଜେତା ଶିଳ୍ପା ସିନେ୍ଧ ।
ହାସ୍ୟକାର ସୁନିଲ ଗ୍ରୋବରଙ୍କ ସହ ଶିଳ୍ପାଙ୍କର ଏକ ଭିଡିଓ ଭାଇରାଲ ହେବାରେ ଲାଗିଛି । ଏହି ଭିଡିଓଟି ସୁନିଲ ଗ୍ରୋବର ଙ୍କ କମେଡି ଶୋ’ ‘ଧନ ଧନା ଧନା’ର ବୋଲି ଜାଣିବାକୁ ମିଳୁଛି । ଏଥିରେ ଶିଳ୍ପା,ସୁନିଲ,ସମୀର କୋଚର, ଏବଂ ପୂର୍ବତନ ଭାରତୀୟ କ୍ରିକେଟ ଖେଳାଳି ଅଜୟ ଜାଡେଜା ନଜର ଆସୁଛନ୍ତି । ଅଜୟ ଜାଡେଜା ଏହି ଶୋ’ର ଗେଷ୍ଟ ହୋଇ ଆସିଛନ୍ତି ଏବଂ ଶିଳ୍ପା ତାଙ୍କୁ ଆଖିରେ ଇଶାର କରୁଥିବାର ଦେଖିବାକୁ ମିଳିଛି ।
ଏହି ଶୋ’ରେ କଳାକାରମାନେ ଅନେକ ସସ୍ତି ମଜାକ କରୁଥିବାର ନଜର ଆସୁଛନ୍ତି । ଶିଳ୍ପା ଏବଂ ସୁନିଲଙ୍କ ଯୋଡିକୁ ଦର୍ଶକ ଖୁବ୍ ପସନ୍ଦ କରୁଛନ୍ତି ।
