ନୂଆଦିଲ୍ଲୀ (ଏଟିଆର ବ୍ୟୁରୋ): ଏବେ ବଲିଉଡରେ ବାୟୋପିକ୍ ର ଟ୍ରେଣ୍ଡ ଚାଲିଛି । ଅନେକ ଷ୍ଟାର ଖେଳାଳୀଙ୍କ ବାୟୋପିକ୍ ନିର୍ମାଣ ହେବା ପରେ ଏବେ ପୁଣି ଭାରତର ଷ୍ଟାର ଖେଳାଳି ଏବଂ ବିଶ୍ୱ ବ୍ୟାଡମିଣ୍ଟନ ଚାମ୍ପିଅନ ପିଭି ସିନ୍ଧୁଙ୍କ ଉପରେ ବାୟୋପିକ ଫିଲ୍ମ ନିର୍ମାଣ ହେବାକୁ ଯାଉଛି । ଆଜ୍ଞା ହଁ ବିଶ୍ୱ ବ୍ୟାଡମିଣ୍ଟନ ଚାମ୍ପିଅନସିପ୍ ରେ ସ୍ୱଣ୍ଣ ପଦକ ହାସଲ କରି ଇତିହାସ ରଚିବା ସହ ଭାରତୀୟଙ୍କ ଟେକ ରଖିଛନ୍ତି ଷ୍ଟାର ବ୍ୟାଡମିଣ୍ଟନ ଖେଳାଳୀ ପିଭି ସିନ୍ଧୁ । ପିଭି ସିନ୍ଧୁଙ୍କ ଏହି ବଡ ସଫଳତା ପାଇଁ ବଲିଉଡରେ ବି ଖୁସିର ମାହୋଲ ଦେଖିବାକୁ ମିଳିଛି । ଏନେଇ ସିନ୍ଧୁ ଙ୍କୁ ବଲିଉଡ ଅଭିନେତା ସୋନୁ ସୁଡ୍ ଶୁଭେଚ୍ଛା ଜଣାଇଛନ୍ତି । ସେପଟେ ସୋନୁଙ୍କ ପାଇଁ ବି ଖାସ୍ ରହିଛି ପିଭି ସିନ୍ଧୁଙ୍କର ଏହି ବିଜୟ ।
ପ୍ରକୃତରେ ଏବେ ଏହି ବିଶ୍ୱ ଚମ୍ପିଅନ ଖେଳାଳୀଙ୍କ ଉପରେ ବାୟୋପିକ୍ ନିର୍ମାଣ କରାଯାଉଛି । ଏହି ବାୟୋପିକ୍ ର ପ୍ରଯୋଜନା ଦାୟିତ୍ୱରେ ସୋନୁ ସୁଡ୍ ଅଛନ୍ତି । ଦୀର୍ଘ କିଛି ଦିନ ହେବ ଏହି ବାୟୋପିକ୍ ଉପରେ ସୋନୁ କାମ କରୁଛନ୍ତିି । ଖୁବ୍ ଶୀଘ୍ର ଏହି ବାୟୋପିକ୍ ର ସୁଟିଂ ଆରମ୍ଭ ହେବ । ଏହାସହିତ ଏହି ବାୟୋପିକ୍ ର ଟାଇଟେଲ ‘ସିନ୍ଧୁ’ ରଖାଯିବ ବୋଲି କୁହାଯାଉଛି । ହୁଏତ ଫିଲ୍ମ ପାଇଁ ଟିକେ ବିଳମ୍ବ ମଧ୍ୟ ହୋଇ ପାରେ କାରଣ ପିଭି ସିନ୍ଧୁ ବିଶ୍ୱ ବ୍ୟାଡମିଣ୍ଟନ ଚାମ୍ପିଆନସିପ୍ ହେବା ପରେ ସ୍କ୍ରିପ୍ଟରେ ପରିବର୍ତ୍ତନ ହୋଇପାରେ ।
