ମୁମ୍ବାଇ (ଏଟିଆର ବ୍ୟୁରୋ): ଇଣ୍ଡଷ୍ଟ୍ରିରେ କମେଡି ଜରିଆରେ ଏକ ସ୍ୱତନ୍ତ୍ର ପରିଚୟ ସୃଷ୍ଟି କରିଥିବା କମେଡିଆନ୍ କପିଲ୍ ଶର୍ମା କିଛି ଦିନ ହେବ ହେବ ଟିଭି ପରଦାରୁ ଦୂରେଇ ଅଛନ୍ତି । ଯେବେଠୁ କପିଲଙ୍କ ସାଥୀ ସୁନିଲଙ୍କ ସହ ଝଗଡା ହୋଇଛି ସେବେଠୁ ତାଙ୍କ ଇମେଜ ଇଣ୍ଡଷ୍ଟ୍ରିରୁ ଖରାପ ହୋଇଥିଲା । କପିଲ ତାଙ୍କ ସ୍ୱାସ୍ଥ୍ୟ ଖରାପକୁ ନେଇ ପରଦାଠୁ ଦୂରେଇ ରହିଥିଲେ । କିନ୍ତୁ ପୁଣି ଥରେ ସେ ପରଦାକୁ ଫେରିବାକୁ ଯାଉଛନ୍ତି । ଏଥରକ ସେ କୌଣସି କମେଡି ସୋ’ରେ ନୁହେଁ ଏକ ଫିଲ୍ମ ନେଇ ଆସୁଛନ୍ତି ।
କପିଲ୍ ଖୁବ୍ ଶୀଘ୍ର ପଞ୍ଜାବୀ ଫିଲ୍ମର ପ୍ରଡକ୍ସନ କ୍ଷେତ୍ରରେ ପାଦ ଦେବାକୁ ଯାଉଛନ୍ତି । ସେ ଏକ ପଞ୍ଜାବୀ ଫିଲ୍ମ ‘ସନ ଅଫ ମଞ୍ଜିତ ସିଂ’କରିବାକୁ ଯାଉଛନ୍ତି ବୋଲି ନିଜେ କପିଲ ଟ୍ୱିଟ ମାଧ୍ୟମରେ ଜଣାଇଛନ୍ତି ।
The heart touching story of Manjeet Singh n his son. Punjabi film “Son of Manjeet Singh”. Releasing on 12th oct 2018. First look coming soon. Need ur blessings ?@SCMPicture @Saga_Hits @GurpreetGhuggi @SumeetSinghM @vikramgrover201 pic.twitter.com/6iO0uTeRpp
— KAPIL (@KapilSharmaK9) August 18, 2018
ଫିଲ୍ମ ‘ସନ ଅଫ ମଞ୍ଜିତ ସିଂ’ର ଫାଷ୍ଟ ଲୁକର ଏକ ଭିଡିଓ ମଧ୍ୟ ସେ ସେୟାର କରିଛନ୍ତି । ଏହି ପୋଷ୍ଟର ଜରିଆରେ କପିଲ ଫିଲ୍ମର ରିଲିଜ୍ ତାରିଖ ଘୋଷଣା କରିଛନ୍ତି । ଫିଲ୍ମଟି ଅକ୍ଟୋବର ୧୨ ରେ ପରଦାରେ ରିଲିଜ୍ ହେବ । ଏହାର ନିର୍ଦ୍ଦେଶନା ଦାୟିତ୍ୱରେ ଅଛନ୍ତି ବିକ୍ରମ ଗ୍ରୋବର । ଫିଲ୍ମକୁ ନେଇ କପିଲ୍ ଖୁବ୍ ଉତ୍ସାହିତ ଅଛନ୍ତି ।
