କଟକ(ଏଟିଆର ବ୍ୟୁରୋ): ଆମ ଗହଣରେ ଆଉ ନାହାନ୍ତି ଯାତ୍ରା ଜଗତର ଫେମସ କଳାକାର ମହେନ୍ଦ୍ର ଦାସ ଓରଫ ଭିକୁ ସେଠ୍। ପରଲୋକରେ ଲୋକପ୍ରିୟ ଯାତ୍ରା ଖଳନାୟକ । ତାଙ୍କ ବିୟୋଗରେ ସାରା ଓଡ଼ିଆ କଳାକାର ଜଗତରେ ଏବେ ଶୋକର ଛାୟା ଖେଳିଯାଇଛି। ତାଙ୍କ ବିୟୋଗ ବେଳେ ତାଙ୍କୁ ୫୫ ବର୍ଷ ହୋଇଥିଲା , ହୃଦଘାତରେ ତାଙ୍କର କଟକ ସ୍ଥିତ ବାସ ଭବନରେ ଦେହାନ୍ତ ହୋଇଛି । ଭିକୁ ସେଠ୍ ନାଁରେ ପରିଚିତ, ଥିଲେ ମହେନ୍ଦ୍ର ଦାସ । ଯାତ୍ରା ଜଗତରେ ସେ ଥିଲେ ଜଣେ ନାମୀ କଳାକାର । ଯାତ୍ରା ଜଗତରେ ତାଙ୍କ ଲୋକପ୍ରିୟତାକୁ ନେଇ ଖୁବ ଚର୍ଚ୍ଚା । ‘ଶାଗୁଣା ବସିଛି ଡେଣା ମେଲାଇ’ରୁ ଲୋକପ୍ରିୟତା ହାସଲ କରିଥିଲେ ମହେନ୍ଦ୍ର ଦାସ । ସେ ଥିଲେ ଏହି ବହୁ ଚର୍ଚ୍ଚିତ ନାଟକର ଖଳନାୟକ । ତାଙ୍କର ସଂଳାପ ଖୁମ୍ପି ଦେଲୁ ଭଲ କଲୁ , ନା ଟା ତାହେଲେ ମିନା ଭଳି ଡାଇଲକ ସବୁ ଯାତ୍ରା ପ୍ରେମୀଙ୍କ ମୁହଁରେ ମୁଖସ୍ତ ହୋଇ ରହିଛି । ଅନ୍ଧ ଦେଶେ ଗଲି ଦର୍ପଣ ବିକି, ମୋ ପେଁକାଳି ବଙ୍କକ୍ସବ ଦେ, ଜିଅନ୍ତୁ ଶବ, ଶୀକୃଷ୍ନ ଆସୁଛନ୍ତି , ତୁ ଥା ମୁ ଜାଉଛି ରୁଷି ଭଳ ଯାତ୍ରାକୁ ସେ ଅଧିକ ପସନ୍ଦ କରିଥିଲେ । ଏହା ଛଡା ପାର୍ବତି ଗଣନାଟ୍ୟର ସବୁଠି ବୁଲୁଛି ସାଗୃଣା ଆଖିରେ ମଧ୍ୟ ସେ ଅଭିନୟ କରିଥିଲେ । ତାଙ୍କୁ ଯେଉଁ ଚରିତ୍ର ଦିଆଯାଏ ସେ ପ୍ରାୟ ସେ ସବୁ ଚରିତ୍ରକୁ ଭଲ ଭାବେ କରି ଥାଆନ୍ତି । ହେଲେ ଏବେ ଆଉ ତାଙ୍କର ସେଇ ଡାଇଲକ ଶୁଣି ପାରିବେନି ଯାତ୍ରା ପ୍ରେମୀ ।
