ଦକ୍ଷିଣ କୋରିଆ (ଏଟିଆର ବ୍ୟୁରୋ) : ଦକ୍ଷିଣ କୋରିଆ ବ୍ୟାଣ୍ଡ ବିଟିଏସ୍ ନିଜ ଫ୍ୟାନ୍ସ ମାନଙ୍କୁ ଖୁସି କରିବାରେ କେବେ ବିଫଳ ହୋଇନାହାନ୍ତି । ଖ୍ରୀଷ୍ଟମାସ ୨୦୨୦କୁ ଆଉ ମାତ୍ର କିଛି ଘଣ୍ଟା ଥିବା ବେଳେ ବିଟିଏସ୍ କଣ୍ଠଶିଳ୍ପୀ ଜିମିନ୍ “ ଖ୍ରୀଷ୍ଟମାସ ଲଭ୍ ” ଗୀତ ରିଲିଜ୍ କରିଛନ୍ତି ଏବଂ ଏହାକୁ ସେ ତାଙ୍କ ବିଟିଏସ୍ ଆର୍ମିଙ୍କ ପାଇଁ ଉପହାର ବୋଲି କହିଛନ୍ତି । ସେ ଏହା ମଧ୍ୟ କହିଛନ୍ତି କି ଏପରି କଷ୍ଟଦାୟକ ସମୟରେ ସେ ଏପରି ଏକ ଗୀତ ରିଲିଜ କରି ଅତ୍ୟନ୍ତ ଆନନ୍ଦ ଅନୁଭବ କରୁଛନ୍ତି ଏବଂ ଏହା ତାଙ୍କ ପିଲାଦିନ ସ୍ମୃତିକୁ ଫେରାଇଦେଇଛି ବୋଲି ସେ କହିଛନ୍ତି । ସେ କହିଛନ୍ତି , “ଏହି ଗୀତଟି ତାଙ୍କୁ ସେ ପିଲାବେଳେ ଦେଖିଥିବା ପ୍ରଥମ ତୁଷାରପାତ କଥା ମନେ ପକାଇଦେଇଥିଲା । ବିଟିଏସ୍ ଆର୍ମି ଏହି ଉପହାର ପାଇ ବହୁତ ଖୁସି ହୋଇଥିଲେ । ଏହି ଗୀତ ଶୁଣିବା ପରେ ଫ୍ୟାନ୍ସ୍ ମାନେ ସେମାନଙ୍କ ଭଲପାଇବା ଜଣାଇଥିଲେ ।
